نازۆر بۆ ڤان نه‌خوه‌شيان دهێته ب كارئينان
ئه‌ڤرۆنيوز:
تایبەتمەنده‌كێ نشتەرگەریێن گشتی دیارکر كو دووربينى ئانکو (نازۆر) نھا ل سەرانسەری کوردستانێ و جیھانی و پتر ژ ھەموو کەرتەکى ل نه‌خوه‌شخانان دھێتە بکارئینان و دووربینی ھەر تشتی د ناڤ له‌شێ مرۆڤی دا ل سەر شاشەکێ بۆ به‌رچاڤ دکەت.
سەباح ئەحمەد محەمەد، نوشدارێ تايبه‌تمه‌ندێ نشته‌رگه‌ريێن گشتى بەحسێ جۆرێن دووربینیا دکەت و بۆ (نوش نيوز) دبێژیت“گه‌له‌ك جۆرێن دووربينيا يێن هه‌ين وه‌كو يا چه‌رمى و ده‌ڤى و هه‌ناسێ و گه‌ده‌يى و ده‌ستئاڤا زراڤ و قولونێ و كليا يا هه‌يى”.
ئه‌ڤ دووربينيه ئاميره‌كه كو كاميره يێ ب هنده‌ك سوندان ڤه هه‌ين و هه‌ر تشتێ ئه‌م د ناڤ وان جهێن بۆ دهێته گرتن دا هه‌ى دهێته ديتن.
سه‌باحى ئه‌و چەندە ژی دا زانين كو دووربینی بۆ دەماغ و کونکرنا چۆك و زکی و نشتەگەریێن دفن و گەوریا دھێتە بکارئینان و ل سەنتەرێ دووربینیێ ل نەخوه‌شخانا ئازادی یا فێرکرنێ ل دھۆکێ رۆژانە خزمەتا خەلکێ دھۆکێ دھێتە کرن و گۆت “مە دو جھێن چارەسەریێن دووربینیێ يێن هه‌ين و ھەر جھەکى ژ وان دو نوشدار يێن لي هه‌ين و رۆژانە ھەر نوشدارەك نێزیکی (١٥) نه‌خوه‌شان چارە دکەت”.
زێده‌تر گۆت “ددلخوه‌شين كو نوشدارێن مە رۆژانە پتر ژ (٣٠) نەخوه‌شيێن دووربینیێ چارە بکەن”.
ئەو چەندە ژى دا زانين كو ھەتا نھا وان چو روودانێن نە چاڤەرێکری د دەمێ چارەسەریا دووربینیێ دا نەدیتینە و گۆت “دێ د بەردەوام بین ل سەر خزمەتکرنا خەلکێ خوه تاكو گیانێ وان ھەردەم یێ پاراستی بیت ژ نەخوه‌شیان”.
