ناما (سێزدێ) بۆ پشته‌ڤانیا حوكمه‌تا كوردستانێ
پ.د ئیبراهیم ئه‌حمه‌د سمۆ
ل ده‌مێ به‌رێ مه ل شیانێن هه‌وه، یێن كو ل ئاستێ هندێ یه كو داهێنانێ ته‌ڤلى هه‌مى گه‌هێن جڤاكى بكه‌ن، ئه‌ز ڤێ گۆتنا خوه پشتبه‌ستیێ ل سه‌ر خواندنا خوه دكه‌م بۆ هه‌وه و رابردویێ هه‌وه، كو هه‌مى یێ ئه‌كیتڤه ب جوانیا وه‌لاتى و دلسۆزیه‌كا كێم وێنه‌یه د ژیبوونا نه‌ته‌وى دا..
هه‌بوونا هه‌وه ژى ئه‌گه‌رێ ڤان هه‌موو نامه‌ین بوویه و ئه‌ركێ من یێ سه‌خته مینا ئه‌ركێ هه‌وه‌یه، خودێ هاریكارێ هه‌وه بیت.. و بۆ هه‌وه هاریكارێن كارا به‌رهه‌ڤكرین یێن دلسۆز و و نه‌زیه، چونكو ملله‌ته‌ك یێ چاڤه‌رێى خه‌مخۆریا هه‌وه یا بهاداره و چاكسازیێن هه‌وه و راستڤه‌كرن و پێشخستن و داهێنانێن هه‌وه یێن به‌رده‌وام… و ئه‌ركێ هه‌وه پێدڤى ب هه‌ڤگرتنێ د تێكۆشانێن جۆره‌وجۆر دا ژ پێخه‌مه‌ت گه‌هشتنا ئارمانجێن نه‌خشه‌كرى و ب هیڤیخوازیا نها و پاشه‌رۆژێ ب سه‌ركه‌فتن و جیوازیكرن و هووربینى و ئارامى.
ژ لایێ خوه ڤه ژى من باوه‌رى هه‌یه ب هه‌بوونا هه‌ولكرنێ، نه‌ك ژ لایێ من ب تنێ ڤه، به‌لكو ژلایێ هه‌میان ڤه یان گه‌له‌كان، فه‌ره بزاڤان بكه‌ن و فه‌ره ل سه‌ر مه هه‌میان كو ببینه پارچه‌كا ته‌مامكه‌ر ژ هه‌وه، كو ئه‌م ل گه‌ل هه‌وه بین ده‌ستێ مه د ده‌ستێ هه‌وه یێ قه‌نج دا، ده‌ستێ سپى و پیرۆز یا پرى بزاڤ بۆ خێرێ و راكرنا خه‌مباریێ و پێشڤه‌چوونێ.. و تشتێ دهێته گۆتن ژى (هنده‌ك كه‌سێن شێلى و ڤه‌شارتى دوژمنێن خوه و سه‌ركه‌فتنێ و وه‌لاتێ خوه یێ ئازاد) كو حوكمه‌ت یا لاوازه ئه‌و هه‌رده‌مه و حوكمه‌كێ كێمه و نه‌یێ بابه‌تیانه‌یه یه، پێشده‌مه، ئه‌و ژى بهانه‌كا گه‌له‌كا لاوازه و بۆچوونا ته‌خه‌كا تایبه‌ته نه‌ك ژ گه‌شبینان و ئه‌وێن ب سه‌حكرنه‌كا ره‌ش ته‌ماشه دكه‌ن، نه‌مازه حوكمه‌ت ل پێشیا ژیێ خوه‌یه .. ئه‌ڤ ژیێ كورت ژى نه‌تونه‌یه، كو هه‌ر ئێك ژ مه ره‌خنێ ل حوكمه‌تێ بگریت ژ سه‌ركه‌فتێ و یێن خوشتڤیان و یێن دیتر..
به‌لێ ئه‌ڤه نابیته رێگر كو ئه‌وكه‌سێن تاگیری و خۆشتڤى تێبینیێن خوه بده‌ن … و ل سه‌ر حوكمه‌تێ ژى فه‌ره دووڤچوونا هوور بكه‌ت ژ تشتێ دهێته گۆتن ژ ئه‌حكامان و ل گه‌ل گونجاى بیت وچالاك ببیت و راستڤه‌ببیت و گوهۆرینێ بكه‌ت ل دووڤ به‌رژه‌وه‌ندیا بالا و تایبه‌ت هوون خوه‌دیێن بریارێنه و ده‌ستكه‌فتیان، چونكو چو كه‌سێ دادكار نینه، ئینكارا كارتێكرنا هه‌وه ب ته‌ڤلیكرنا گه‌له‌كان ژ حه‌زژێكارێن كوردستانێ و لایه‌نگیرێن وێ ب ده‌سپێشخه‌ریا هه‌ر تشته‌كێ مفادار و ئه‌رێنى و نه‌رێنى بۆ حوكمه‌تا جه‌نابێ هه‌وه.. و هه‌كه هه‌وه روودانێن ره‌نگه تووش ببنێ، ب تنێ یا ل سه‌ر هه‌وه ئه‌وه هه‌دارا درێژ بكێشن و هوون ب ڤى سیمایێ چاك دبه‌رنیاسن یا تێكهه‌ل ژ باب و كالان، هه‌ر وه‌سا راوێژى ژىن چونكو ئه‌و هه‌ردو فاكته‌رێن ڤه‌بڕین بۆ به‌رده‌وامكرن و سه‌رخستنا كارێ هه‌ر حوكمه‌ته‌كێ یان حاكمه‌كێ حه‌زژكارێ وه‌لاتێ و رژد ل سه‌ر جهئینانا ده‌ستكه‌فتیێن خوه ل سه‌ر پتریا ئاستان و ل هه‌مه‌جۆریا لایه‌نێن ژیانا زێندى..
ل سه‌ر ڤێ ئێكێ رێبازێ بگرن ب رۆناهیا خودایێ مه‌زن و سه‌حكه‌نه به‌راهیا خوه، چونكو هه‌مى ئارمانج یێن ل پێشیا هه‌وه‌ن یێن نێزیك و یێن مه‌زن و سه‌رحكرنا هه‌وه بۆ پاش، دێ ب هزاران ژ دلسۆزان بییننن ل پاش هه‌وه برێڤه‌دهێن، سه‌ركرده‌كێ زیره‌ك و هێمایه‌كێ نشتیمانى و سه‌ربخوه و پاشه‌رۆژه‌كا گه‌شتر ب مزگینیا خێرێ و ب باشتر و كارێن هه‌وه باشترین گرۆڤه‌یه ل سه‌ر هه‌بوونا ڤێ كارتێكرنا ئه‌رێنى یا چاك یا دلان هین دكه‌ت و دلشاد دكه‌ت و ده‌روونان كه‌یفخۆش دكه‌ت.
هه‌ولێن مه بۆ لێگه‌ریا هه‌ر تشتێ نوو، ب تنێ حه‌زه‌كه ژ مه بۆ خزمه‌تا هه‌وه،كو ئه‌و ژى بۆ خزمه‌تا وه‌لاتێ مه كوردستانا ره‌نگینه..
مافێ هه‌وه‌یه رازى ببین ب هه‌ر نێرینه‌كێ و پێشنیازه‌كێ و هزره‌كێ هاریكاریا هه‌ووه بكه‌ت بۆ پێشكێشكرنا، بجهئینانه‌كا باشتر و نه‌ك گرنگ ب هزرا من نێرینا مه یا بیرۆدزى ته‌مه‌تى هندێ كو بۆ مه خه‌م بیت كار پێ بكه‌ین، چونكو هه‌ر تشته‌ك ده‌ست ب هزرێ دكه‌ت و پاشى دهێته خواندن ب گۆر تشتێ ل به‌رده‌ست هه‌یى ژ شیانان و بارودۆخان هه‌تا قووناغا بجهئینانێ ب گه‌له‌ك رێیان…
بزاڤێن مه ب گۆر لێگه‌ریانا ژێده‌رێ ئاریشه‌یان دهێنه دانان و چاره‌سه‌ركرنا وان ب شێوازه‌كێ ئه‌ده‌بى یێ زه‌لال و ساناهى و رۆهن هه‌ژى ره‌وشا مه بیت، بێخینه به‌ر ده‌ستێن هه‌وه یێن پیرۆز و نه‌مایش بكه‌ینه ل به‌ر جه‌ماوه‌رێ هه‌وه و كورێن وه‌لاتى.. و دێ به‌رده‌وام بین ب زێده‌كرنا پتر و پتر … راسته من د نامه‌یێن خوه دا، رۆناهى خستیه گه‌له‌ك مژاران، بۆ كه‌سێ هه‌وه، به‌لێ ئه‌ڤه ژبۆ چو تشتى نینه ژبلى دیاركرنا فاكته‌رێن هێزێ دناڤ حوكمه‌تا مه دا ب هه‌بوونا هه‌وه د ناڤ د و ل سه‌رێ وێ..
ئه‌ڤ نامه هنده‌ك دیمه‌نان ژ ئاشۆپى و ژ كه‌توارى تێكهه‌ل دكه‌ت، ژیوارێ ئه‌م تێدا دژین و پارچه‌ك ژ ئه‌و هزرێن ئه‌ز دكه‌م و تێدا دژیم و پارچه‌ك ژ ته‌خمینێن من یێن ژ سه‌ربۆرا من یا درێژ ده‌ركه‌فتین دباوه‌ریدانێ ب هه‌وه و رێره‌وا هه‌وه یا درێژ ژ باب و كالان و روودان و دیرۆك.. ره‌نگه ژى ئه‌ڤ نامه‌یانه ناكۆكیه‌كێ د ناڤبه‌را من ب خوه وده‌وروبه‌رى من رووبده‌ن، به‌لێ ب نێرینا دبیته هه‌لویسته‌كێ ئاقلدارانه ژ حوكمه‌تێ یێ به‌رگریكرنێ ژ حوكمه‌تێ، حوكمه‌تا گه‌ل دوور ژ دلۆڤانیان د ناڤا پرۆسا گوهارتنا ژینگه‌ها ته‌ڤگر و به‌ربه‌لاڤ كو گه‌نده‌لى تێدا یا بژاله بۆ ژینگه‌هه‌كا پاك و زه‌لال جوان پێشبكه‌ڤن بۆ به‌رژه‌وه‌ندیا هه‌ڤوه‌لاتیان كو گرنگترین ئارمانجێن حوكمه‌تێ یه…
یا داخوازكری ژ هه‌مویان یێن خۆشتڤى بۆ وه‌لاتێ خوه و ژیانا مه‌ردینه و ئارام و ئێمناهیێ و پێشڤه‌چووى كو پشته‌ڤان بیت د پرۆسا گوهۆرینێ دا ب حه‌زژێكرن یا نژى خوه بۆ به‌رژه‌وه‌ندیا نه‌هێلانا گه‌ه‌نده‌لیا هنده‌كان لێ كرین.
ئه‌ڤه ژى به‌رپرسیاریه‌كا مه‌زنه دكه‌ڤیته سه‌ر ملێ هه‌وه و ل سه‌ر قه‌له‌مێن مه، كو ته‌حه‌مللا پارچه‌كا مه‌زن ژگرانیا ڤێ به‌رپرسیاریێ بكه‌ت وهه‌ر كه‌س ب گۆر تایبه‌تمه‌ندیا خوه كو نڤیسین یا ب ئارمانج بیت و ئاراسته‌كرى بیت، ئێكسه‌ر بۆ ده‌وه‌له‌تا سه‌رۆك وه‌زیرێ دیاركرى و ب رێیا ڤان قه‌له‌مان حوكمه‌ت پێڤاژۆیه‌كا چالاك دبه‌ت، به‌ر ب بجهئینانا هیڤى و ئۆمێدان، و دێ داخوازیێن من مینن ئاراسته‌كرى به‌رده‌وام بۆ نڤیسه‌ران و هاندانا وان بۆ به‌رده‌وامكرنا نڤیسینێ و دیاركرنا بۆچوونێ و پشكداریا كارا و ڤه‌ژاندنا نێرینان و ڤه‌دیتنا شێوه و چاره‌سه‌ریان، دا كو بگه‌هن چاره‌سه‌ریێن قه‌یرانان، هه‌كه دیارببن د ساناهى ینه و دسڤكن.. ب ڤێ ره‌نگى ئێك ژمه یێ دى دیار دكه‌ت و دیالۆگ ب خوه بخوه ژى سه‌ركه‌فتنێ نا سه‌لمینیت بێى كاركرن كو ده‌رئه‌نجام دبیته دیالۆگ. و تشتێ من ژ خواندنا ڤان نامه‌یان هه‌ستپێ كرى، مزگینیێن خێرێنه بۆ ئارمانجا بۆ دچین كو ئه‌و ژى حوكمه‌ته..
ئه‌ڤجا حوكمه‌ت و پاشى حوكمه‌ت یا ب ناڤێ گه‌ل دپه‌یڤیت و ئارمانجا مه و ئارمانجا حوكمه‌تێ ئه‌و به‌رفره‌هكرنا په‌یوه‌ندیانه ل ناڤخوه و ده‌رڤه و خواندنا هه‌موو ره‌وشا هه‌ر ئێك ژ ره‌خێ خوه‌ڤه.
دیسا ژى لێكگوهارتنا ره‌وشه‌نبیرى و ئابوورى و په‌روه‌رده‌یى و یێن دیتر هه‌موو دهێنه هه‌ژمارتن ژ سیمایێن ده‌وله‌تا شارستانى و ئه‌م ژى ب داخ ڤه د ناڤ دا یێن دمه‌ندین.
و ژ بۆ بده‌ستڤه‌ئینانا وه‌ختى بۆ به‌رژه‌وه‌ندیا خوه، فه‌ره ل سه‌ر مه شانه‌كا مه‌زن پێكبینین، یا كاریگه‌ر بیت بۆ بله‌زخستنا راستڤه‌كرنا هنده‌ك په‌یوه‌ندیان یێن ساریێ سه‌رگرتى، ژ بۆ پێشڤه‌چوونا تۆرا میدیا كوردى یا كو فه‌ره حوكمه‌ت رابیت ب دامه‌زراندنا سازیه‌كا مه‌زن یا ئێزگه و تلفزیۆنان و ب هه‌موو زمانێن زیندى بۆ دیاركرنا رویێ راست یێ حوكمه‌تا مه و كو د ناڤا ڤان سازیان دا نوونه‌رێن هه‌موو سازیێن جڤاكێ سڤیل تێدا پشكدار ببن و رێخراوێن نه‌حكومى ل كوردستانێ، وه‌كو ئێكه‌تیێن كرێكاران و جۆتیاران و سه‌ندیكایێن پیشه‌یى و خوه‌دیێن تایبه‌تمه‌ندیێن جۆره‌وجۆر زێده‌بارى نوونه‌رێن ده‌سته‌یێن سه‌رۆكاتى ل هه‌رێمێ و كۆمه‌كا باش ژ نڤیسه‌ر و خوه‌دیێن تایبه‌تمه‌ندیێ قه‌له‌مێ وێره‌ك و دیرۆكا پاك ژ هه‌لگرێن ره‌وشه‌نبیریێن جۆره وجۆر و ب ڤى ره‌نگى ب رێیا ڤێ شانێ و پشته‌ڤانیكرنا وێ ژ لایێ هه‌وه‌ڤه دێ به‌ر ب پێنگاڤه‌كا جۆراتى ڤه چین، به‌ر ب پێشكه‌فتنێ و پێشڤه‌چوونێ بۆ حوكمه‌تا مه، یا كو ئه‌م وه‌ك مله‌ت و گه‌له‌ك هیڤیان ل سه‌ر دچینین، بۆ بجهئیننانا مه‌زنترین به‌رهه‌مێن هه‌مه‌جۆر، ب به‌راوردى ل گه‌ل گه‌له‌ك حوكمه‌تێن دیتر.
و/ ئه‌ڤرۆ
