مەسرور بارزانی و سەرۆكێ هەڤپەیمانییا «عەزم» دوپاتیێ ل سەر ئارامییا سیاسی یا ئیراقێ دكەن
ل رۆژا 1/6/2026، مەسرور بارزانی، سەرۆكێ حوكمەتا هەرێما كوردستانێ، پێشوازی ل موسەننا سامەڕایی، سەرۆكێ هەڤپەیمانییا «عەزم» كر.
د دیدارێ دا، بیروڕا ل دۆر بارودۆخێ گشتی و دووماهی گوهۆڕین و پێشهاتێن پرۆسێسا سیاسی یا ئیراقێ هاتنە لێكگۆهارتن.
هەردوو ئالی هەڤڕا بوون ل سەر گرنگییا پشتەڤانیكرنا حوكمەتا فیدرالی ل سەر بنەمایێ خزمەتكرنا هەموو وەلاتییان و پێكهاتەیێن ئیراقێ، هەروەسا چارەسەركرنا كێشەیان ل گەل هەرێما كوردستانێ د چارچۆڤەیا رێزگرتنێ ل سیستەمێ فیدرالی و قەوارەیێ دەستووری یێ هەرێما كوردستانێ.
