ناهێلم لوبنانێ بۆ بەرژەوەندیێن خوە بکار بینن
سەرۆک کۆمارێ لوبنانێ دیار کر، ئارمانجا وان ئارامی و پێشڤەبرنا لوبنانێ یە، مخابن چەندین سالن هندەک هێز یێ لوبنانێ دکەنە مەیدانا ئاریشە و شەڕێن خوە و ئەو سەردەمە ب دووماهی هاتیە و ئێدی ئەز ناهێلم چو وەلاتەک لوبنانێ بۆ بەرژەوەندیێن خوە بکار بینیت.
جوزێف عون ئەو یەک ژی دیار کر، رێککەفتنا ئسرائیلێ و لوبنانێ ژ بۆ ئارامی و پێشکەفتنا لوبنانێ گەلەک گرنگە، مخابن هندەک هێز و وەلات یێ کار دکەن دا نەهێلن رێککەفتنا هاتیە کرن وەکو خوە بهێتە بجهئینان و دیسان دخوازن لوبنانێ بۆ بەرژەوەندیێن خوە بکار بینن و گۆت: (ئەز ناهێلم چو وەلاتەک لوبنانێ بۆ بەرژەوەندیێن خوە بکار بینیت و دێ یا پێدڤی بۆ پاراستنا وەلاتێ خوە کەین، خەلکێ لوبنانێ ژ دەستێوەردانێن دەرەکی یێن هندەک وەلاتان بێزار بووینە و ئەز یێ ب هەموو رەنگەکێ کار دکەم دا دووماهیێ ب دەستێوەردانێن وان وەلاتان بینم).
