ناپولی داخوازیا ریال مەدرید رەتکر
ئەڤرۆ نیوز:
یانا ناپولی یا ئیتالی داخوازیا یانا ریال مەدرید رەتکر پشتی وێ یانا ئیسپانی ھەڤبەستەک پێشکێشی ئەوێ یانا ئیتالی کری بوو ڤەگوھاستنا یاریزانەکێ ئەوان.
مالپەرێ کوریری دیللو سپورت یێ ئیتالی دیارکر یانا ریال مەدرید ل ماوێ بوری کوژمێ ٩٠ ملیون یورویا پێشکێشی یانا ناپولی یا ئیتالی کر بوو بۆ ڤەگوھاستنا بەرەڤانێ وێ یێ سنگالی کولیبالی لێ یانا ناپولی داخوازیا یانا ریال مەدرید رەتکر بوو.
ئەوێ رۆژنامێ دیارکریە ژی یانا ریال مەدرید ژ ترسا چوونا کابتنێ خوە سێرجیو راموس ئەو داخوازی پێشکێشی یانا ناپولی کر بوو تایبەت پشتی ئەوان ئاریشەیێن ڤێ دووماھیێ دناڤبەرا راموس و سەرۆکێ یانا ریال مەدرید پەیدابووین.
ھەژی گوتنێ یە یانا ناپولی بەری نوکە ژی چەندین داخوازیێن یانێن مەزن ل ئورۆپا رەتکرینە بوو ڤەگوھاستنا وی یاریزانێ خوە کو یانا مانچێستەر یوناید بوو دەمەکێ درێژە یا بزاڤێن ڤەگوھاستنا ئەوی یاریزانی دکەت لێ یانا ناپولی بەرامبەر دەست بەردانا ئەوی کوژمێ ١٥٠ ملیون یورۆیا دخوازیت.
