ناڤێ زانکۆیا کۆیە دێ هێتە گوهۆرین بۆ زانکۆیا مام جەلال
ئەڤرۆ نیۆز،زنار تۆڤی:
قائیمقامێ باژێرێ كۆیه راگەهاندیە،ب ئەگەرێ وی رۆلێ کو سه‌رۆك كۆمارێ بەرێ یێ عێراقێ د دامه‌زراندنا وێ زانکۆیێ دا دیتی،مە داخواز کریە کو ناڤێ زانكۆیا كۆیه بهێتە گوهۆرین بۆ زانكۆیا (مام جه‌لال).
سه‌ركه‌وت ره‌سول قائیمقامێ باژێرێ كۆیه راگه‌هاندیە ژی:ژبەر هندێ کو (مام جه‌لال) ی سه‌رۆك كۆمارێ بەرێ یێ عێراقێ ل كۆیه خواندنا سه‌ره‌تایى ته‌مام کریە و دانه‌رێ به‌رێ بنیاتێ زانكۆیا كۆیه بوویە،هه‌روه‌سا هاریكاریا ڤێ زانكۆیێ كریه،ل گه‌ل هندێ ژی ل هه‌مان زانكۆیێ برواناما دكتۆرا فه‌خرى پێ هاتیەدان،لەورا مە داخواز کریە کو ناڤێ زانكۆیا كۆیه بۆ زانكۆیا (مام جه‌لال)ی بهێتە گوهۆرین.
گوت ژی:ئه‌ڤ داخوازیا مە ب رێیا پارێزگەها هه‌ولێرێ بۆ وه‌زاره‌تا خواندنا بلند و ڤەکۆلینێن زانستى یا حوکمه‌تا هه‌رێما كوردستانێ هاتیە بلندکرن و ئەم چاڤەرێینە و ئەم هیڤیدارین کو بەرسڤا ئەرێنی بهێتەدان.
بەرێ بناغێ زانكۆیا كۆیه ل سالا 2003 ژ لایێ (جه‌لال تاله‌بانى)، سكرتێرێ كۆچكری یێ ئێکەتیا نیشتمانیا كوردستانێ ڤە هاتیە دانان.