ناڤەندا خانی یا ڕەوشەنبیری و ڕاگەهاندنێ دو سمینار د ڕۆژەكێ دا گێڕان
ناڤەندا خانی یا ڕەوشەنبیری و ڕاگەهاندنێ ل دهۆكێ، دوهی ڕۆژا سێشەمبی رێكەفتی 6/10/2026 ل هولا ناڤەندێ، كو دكەڤیتە دناڤ ئاڤاهیێ تەلەفزیۆنا دهۆك دا، دو سمینار د ڕۆژەكێ دا گێڕان و بەرپرسێ ناڤەندێ و هژمارەكا كارمەندێن سەر ب سازیێن ناڤەندێ ڤە و چەند نڤیسەر و ڕەوشەنبیرێن دەڤەرێ ل هەردو سمیناران د بەرهەڤبوون.
د سمینارا ئێكێ دا كو ل دەمژمێر(12) نیڤرۆ بوو، بەرێز (هەلكەفت عەبدولواحد) ڕێڤەبەرێ تەلەفزیۆنا دهۆك سمینارەك ل بن ناڤێ (وەلاتێ چینێ دناڤبەرا پاراستنا كەلتووری و پێشڤەچوونێن سەردەم دا) پێشكێشكر، د سمینارا دویێ كو ل دەمژمێر (4) و نیڤ بوو، بەرێز (موسەدەق تۆڤی) سمینارەك ل بن ناڤێ (6 چریا ئێكێ و ڤەگەڕیانا بارزانیێ نەمر ژ ئێكەتیا سۆڤیتێ و قوناغەكا نوو) ل هەمان هول پێشكێشكر و پشتی ب دووماهی هاتنا هەردو سمیناران دەرگەهێ دانوستاندنان هاتە ڤەكرن و ب ئاراستەكرنا چەند پرسیار و بوچوونان ئەو سمینار هاتنە زەنگینكرن.
