نمره‌كا باش ل گه‌ل هه‌لبژارتیێ ئنگلته‌را توماركر
ئه‌ڤرۆ نیوز:
پشتى ل شه‌ڤا بورى هه‌لبژارتیێ ئنگلته‌را شیاى سه‌ركه‌فتنه‌كا مه‌زن ل سه‌ر هه‌لبژارتیێ مونتیگرو توماربكه‌ت ب پێنچ گولان بێ به‌رامبه‌ر ژ چارچوڤێ ڤاڤارتنێن یورۆیا 2020 و كابتنێ ئنگلته‌را و ستێرا وێ هارى كین شیاى هاتریك توماربكه‌ت شیا نمره‌كا باش ل گه‌ل هه‌لبژارتیێ خوه توماربكه‌ت .
مالپه‌رێ ئوپتا یێ تایبه‌ت ب ئامارێن وه‌رزشى ڤه دیاركریه هارى كین بوو یاریزانێ ئێكێ وه‌كو كابتن و یاریزانه‌كێ سه‌ره‌كى یارى بكه‌ت بشێت 24 گولان توماربكه‌ت.
ژلایه‌كێ دیڤه مالپه‌رێ سكواكا ژى یێ تایبه‌ت ب ئامارێن وه‌رزشى ڤه ئاشكراكر هارى كین پێشڤه هاته رێزا شه‌شێ د مێژویا گولكه‌رێن هه‌لبژارتیێ ئنگلته‌را دا پشتى شیاى هژمارا گولێن خوه ب گه‌هینته 31 گولان.
هه‌ژى گوتنێ یه واین رونى نوكه ل سه‌رێ لیستا باشترین گولكه‌رێن مێژوى یێن هه‌لبژارتیێ ئنگلته‌را دهێت ب توماركرنا (54 گولان) و بوبى چهارلتون رێزا دوێ دهێت ب (49 گولان) و گارى لینیكر رێزا سێ دهێت (48 گولان) و جیمى گریڤز رێزا چارێ دهێت ب (44 گولان) و مایكل ئوین رێزا پێنچێ دهێت (49 گولان)
