نهێنیا وێ هێلا سپی یا فرۆکە ل ئەسمانی دروست دکەن بزانە
ئەڤرۆ نیوز ، زنار تۆڤی:
گەلەک جاران دەمێ فرۆکە ل ئەسمانی دفرن، هێلەکا سپی چێدبیت و ئەو هێلە سەرنجا مە رادەکێشیت، هەروەسا رەنگە دبیت ئەڤە ل دەف گەلەکێن ژ مە جهێ پرسیارێ بیت، کا ئەو هێلە چییە و پێکهاتێن وێ چنە و بۆچی دروست دبیت، دیسا کا کاریگەریەکا خراب ل سەر ژینگەهێ هەیە یان نە؟.
ژ ئەنجامێ چەند ڤەکۆلینان بۆ زانایان دەرکەفتیە، کو ئەو هێلە وەکو هەناسەدانا مرۆڤیە، ئانکو ئەو دەمێ مرۆڤ د زڤستانێدا هەناسێ ددەت و هەلمەکا سپی ژ دەڤێ دهێته ژ دەرڤە، ئەو هێلا سپی یا فرۆکان ژی وەکو هندێ یە. لدووڤ زانیاریان، ئەو هێلە ژ ئۆکسیدێ کاربۆنی و ئۆکسیدێ کبریتی و نایترۆجینی پێکهاتیە، هەروەسا ئەگەرێ دروستبوونێ ژی ڤەدگەریت بۆ وێ سووتەمەنیێ و هەلما ئاڤێ یا فرۆکە ب کار دئینن.
هەروەسا زانایان دیار کریە کو ئەو هێلا سپی چ شوونەوار و کاریگەریێن خراپ ل سەر ژینگەهێ بجهناهێلن، هەروەسا مرۆڤ دشێت مفاس ژێ وە بۆربگریت بۆ زانینا سەقای، ئەو ژی هەکە ئو هێل یا کورت بوو، بۆ ماوەکێ کێم ما ل ئەسمانی، وەسا دیارە کو سەقا یێ هەڤسەنگە، بەلێ هەکە ئەو هێل درێژ بوو، بۆ ماوەکێ پتر ما، نیشانە بۆ هندێ کو سەقا گەلەک یێ شهدارە.
