نه‌جمه‌دين كه‌ريم ل دۆر ده‌نگوباسێ ده‌سته‌سه‌ركرنا خوه هاته ده‌نگ
ئه‌ڤرۆ نيوز:
نه‌جمه‌دين كه‌ريم پارێزگارێ به‌رێ يێ كه‌ركووكێ ئه‌ڤرۆ چارشه‌مبى 22/5/2019 ل كه‌نالێ كوردستان 24 راگه‌هاند كو ئه‌و نوكه ب شێوه‌كێ ئازاد يێ ل به‌يرۆت پايته‌ختێ لوبنانێ ول نێزيك دێ ڤه‌گه‌رم بۆ كوردستانێ.
نه‌جمه‌دين كه‌ريم گۆت ژى” ئه‌و روودانا په‌يدابووى چو په‌يوه‌ندى ب پۆليسێن نێڤده‌وله‌تى( ئێنترپۆل) ڤه نينه، به‌لكو داخوازا حوكمه‌تا عه‌بادى بوو ژ وه‌لاتێن عه‌ره‌بى كو چ كاريگه‌ريا خوه نينه”.
دياركر ژى” من چو كێشێن گه‌شتكرنێ نينن وبه‌رى نوكه ژى چه‌ندين جاران چوويمه ده‌رڤه‌ى وه‌لاتى”.