نه‌خۆشيا قولۆنێ چاوان بۆ مرۆڤى په‌يدا دبيت؟
ئه‌ڤرۆنيوز:
تايبه‌تمه‌نده‌كێ نه‌خۆشيێن دل و هناڤان ل دهۆكێ ئاشكرا كر كو قولۆن زێده‌تر ژ هزركرنێ په‌يدا دبيت و هيڤى ژى خواست كو خه‌اك گه‌له‌ك ده‌مێ خوه ب هزركرنێ ڤه نه بۆرينن.
رێبەر حەجی قادر نوشدارێ تایبەتمەندێ نەخوه‌شیێن دل و ھناڤان بۆ (نوش نیوز) دياركر كو قولۆن ب خوه پشكه‌كه ژ ريڤيكێن مرۆڤى و دبێژنێ ريڤيكا مه‌زن ئه‌وا ژ 180سم پێك دهێت و گۆت “ ئه‌و خوارنا ژ ريڤيكێن بچووك ب دووماهى دهێت و مفا ژێ نه‌هێته وه‌رگرتن و ژ لاشێ مرۆڤى ده‌ردكه‌ڤيت، د ناڤ ريڤيكا قولۆنێ را ده‌رباز دبيت”.
تایبەتمەندێ نەخۆشیێن دل و ھناڤان گۆت ژی: “جۆرەکێ قولۆنێ یێ ھەى ب ناڤێ ھەیەجان(تھیج) دھێت کو ئەڤ جۆرە قولۆنە پتر ژ ھەموو جۆرێن دى یێن قولۆنێ د ناڤ خەلکی دا یا بەربەلاڤە و ل سەر ھەموویێ را یا دەمکی یە، ھندەک دەما مرۆڤى دگریت و ھندەک ھەیڤ دەرباز دبن مرۆڤ یێ ساخلەمە و ھەست پێ ناکەت و بەروڤاژی ھندەک مرۆڤ پتریا دەمی د ناڤ ڤێ نەخوه‌شیێ دا د مینن و ئەڤ جۆرە قولۆنە ل ده‌ف ھەموو کەسان ب رێژەیەکا جیاواز یا ھەى و ئەڤ جۆرێ قولۆنێ هه‌كه گەلەک زێدە بوو، مرۆڤ دکەڤیتە دره‌وشا زکچوونێ دا و هه‌كه گەلەک کێم بوو، بەروڤاژی ره‌وشا قەبز بوونێ ب سەر مرۆڤی دا دھێت”..
ناڤبری دا دیارکرن ژی، ب ڤێ جۆرێ قولۆنێ دەنگه‌كێ نەخوه‌ش ژ زکێ مرۆڤی دھێت و د وەرمیت و ئەگەرێ مەزن یێ ھاتنا ڤێ نەخوه‌شیێ ئەو چەندەیە، دەما مرۆڤ گەلەک ھزران بکەت و خوە خەمگین بکەت و ھزرێن کوور بکەت و گۆت: “ھندەک جۆرێن خوارنان وه‌كو (باقلک، فاسولی، ساڤار، کەرستێن ھار و تووژ کو د ناڤ خوارنێ دا دھێنە بکار ئینان) ئەگەرن قولۆن ل ده‌ف مرۆڤی دروست ببیت و هه‌كه کەسەکى گەلەک زکچوون دیت و سەنگا وی ھاتە خوارێ و خوین ل جھێ دەستنڤێژێ دیت، گەلەك يا فەرە سەرەدانا نوشدارێ تایبەتمەند بکەت دا زیان و مەترسی ل سەر ژیانا وی دروست نەبیت”.
ژ لایەکێ دی ڤە، وى تایبەتمەندێ نەخوه‌شیێن دل و ھناڤان دا زانين ژى كو ھەر کەسەکێ پارێزا خوه بکەت، گەلەک ھزرا نەکەت و خوه ژ خوارنێن زیانبەخش دوور بکەت، دێ یێ دوور بیت ژ نەخوه‌شیا قولۆنێ و گۆت: “ھیڤیە خەلکێ مە خوه ژ ھزرکرنێ دوور بکەت و ھزرێن نەخوه‌ش نەکەت، دا نەخوه‌شیا قولۆنێ ژ مرۆڤی دوور بیت”.
