نوشداران چاره‌سه‌ریا شه‌رما زارویان دیت
ئه‌ڤرۆ نيوز،زنار توڤى:
زانا گه‌هشتنه چاره‌سه‌ریا كێشه‌یا شه‌رمێ لده‌ف زارویان و دبێژن:مادده‌یێ (پاراتونى) د مێشكى دا به‌رپرسه ژ ئه‌گه‌رێ باوه‌رى بخوبونا زارویان و روو ب روو بوونا هه‌لویستێن گران. دڤى باریدا (سان خوسى) نوشدارێ چاره‌سه‌رسا نه‌خوشیێن زارویان راگه‌هاند:زوربه‌یا خه‌لكێ گرنگیێ ب زارویان ژلایێ شه‌رمینیێ ناده‌ن،كو د داهاتى دا كێشێ بو زارویان دروست دكه‌ت،له‌ورا نه‌خوشیێن ده‌رونى و كێشێن كومه‌لایه‌تى لده‌ف زاروكى دیار دبن،كو ئه‌ڤه هوكارێن گرنگن بو گوهورینا ره‌فتارێن زاروكى،كو هه‌ست ب كێماسیێ دناڤ كومه‌لگه‌هى دا دكه‌ت و باوه‌رى بخو نامینیت.
هه‌روه‌سا(مارتن ماكنابارا) ماموستایێ كولیژا زانستێ ده‌رونى ل زانكویا (بوستن) یا ئه‌مریكى ئاشكرا كر: 10% ژ وان زارویێن پشتى ژ دایك دبن، د داهاتى دا تووشى دیارده‌یا شه‌رمینیێ دبن،ژ ئه‌گه‌رێ ترسێ و تێكه‌ل نه‌بونێ دگه‌ل كومه‌لگه‌هێ و گرنگى پێنه‌دانه ژلایێ تاكێن خێزانێ ڤه،د ئه‌نجام دا زارو باوه‌رى بخوبونێ ژ ده‌ست دده‌ت،له‌ورا زانایان لڤێ دوماهیێ گرنگى ب پێشخستنا جوره ده‌رمانه‌كێ نوى دده‌ن،بو چاره‌سه‌ریا كێشێن شه‌رمینیێ لده‌ف زارویان. زانایێن ئه‌مریكى ماددێ (پاراتونى) د مێشكى دا ب به‌رپرسێ سه‌ره‌كى یێ باوه‌رى بخوبونێ و روو ب روو بونا به‌ربه‌ستێن ژیانێ دزانن،له‌ورا زانا دبێژن:كێمیا ڤى مادده‌ى دبیته ئه‌گه‌رێ كێم و كاسیێ د ده‌رونێ زاروكى دا و باوه‌رى بخونه‌بوونێ، سه‌ر ئه‌نجام شه‌رمینى لده‌ف زاروكى په‌یدا دبیت.
