نوشداره‌ك: چاره‌سه‌ریه‌ك ل توركیا دهێته كرن، ل دهۆكێ بێ بەرامبەر يا هه‌ى
ئه‌ڤرۆنيوز:
رۆژانه وبه‌رده‌وام هژماره‌كا خه‌لكى بۆ وه‌رگرتنا هه‌ر جۆره چاره‌سه‌ریه‌كێ قه‌ستا وه‌لاتێ توركیا و ده‌وروبه‌ران دكه‌ن ب تایبه‌ت هه‌لگرێن نه‌خوه‌شیێن پهنجهشێرێ و نوشداره‌كێ دهوكێ دیار دكه‌ت ئه‌وا ل توركیا دهێته كرن ل دهوكێ ژى يا هه‌ى بتنێ باوه‌ریا خه‌لكى ب نوشدارێن بیانى و توركیا دهێت.
سه‌باح ئه‌حمه‌د محه‌مه‌د، نوشدارێ تایبه‌تمه‌ندێ نشته‌گه‌ریێن گشتى و رێڤه‌به‌رێ نه‌خووشخانا ئازادى بۆ نوش نیوز گوت: ل نه‌خوه‌شخانا ئازادى رۆژانه ب ره‌نگه‌كێ گه‌له‌ك باش خزمه‌تا خه‌لكى و هه‌لگرێن نه‌خوه‌شیا پهنجهشێرێ دهێته كرن و گه‌له‌ك كه‌س قه‌ستا مه دكه‌ن و ئه‌م ب هه‌موو شیانان خزمه‌تا وان دكه‌ین و هه‌ر چاره‌سه‌ریه‌كا بۆ پهنجهشێرێ دهێته كرن، ل ده‌ف مه ژى ئه‌و چاره‌سه‌رى يا هه‌ى.
گوت ژى: گه‌له‌ك كه‌س قه‌ستا وه‌لاتێ توركیا دكه‌ن بۆ وه‌رگرتنا چاره‌سه‌ریا نه‌خوه‌شیا پهنجهشێرێ و د هه‌مان ده‌م دا ئه‌و جۆره چاره‌سه‌ریه ل نه‌خوه‌شخانا ئازادى ژلایێ نوشدارێن تایبه‌تمه‌ند ڤه بۆ خه‌لكى دهێته پێشكێشكرن ب تنێ خه‌لكى پتر باوه‌رى ب نوشدارێن بیانى يا هه‌ى له‌ورا قه‌ستا توركیا دكه‌ن.
هه‌مان نوشدارى ئه‌و چه‌نده ژى دوپاتكر: بتنێ ئامیرێ كه‌ویكرنا برینا پهنجهشێرێ ل دهۆكێ نینه و ل سلێمانیێ يێ هه‌ى و مه هه‌ماهه‌نگیه‌كا باش دگه‌ل وێ پارێزگه‌هێ هه‌یه و هه‌ر كه‌سه‌كێ پێتڤى ببیت، ئه‌م دشێن ژڤانه‌كێ ل سلێمانیێ بۆ وه‌ربگرین.