نوونه‌رێ سوريا ل نه‌ته‌وێن ئێكگرتى دخوازيت د هه‌وارا باژێرێ به‌رخودانێ بچن
نوونه‌رێ تایبه‌ت یێ سوریا ل نه‌ته‌وه‌یێن ئیكگرتی ستیڤان ده میستورا دیار كر كو كۆبانێ ب شیانێن كێم هه‌مبه‌ر داعشێ خوه د پارێزیت و خواست جڤاكا نێڤده‌وله‌تی ب هانا ئه‌وی باژێرێ به‌رخودانێ بهێت.
ده میستورا د داخویانیا خوه یا نڤیساری دا دیاركر كو كۆبانێ سێ حه‌فتيه د دورپێچا داعشێ دایه و 400 شه‌رڤانێن كوردی ل وێری ب هه‌یه‌جانه‌كا مه‌زن و وه‌ره‌یه‌كا بلند ئه‌وی باژێرێ د پارێزن و گۆت: “كۆبانێ به‌ر ب قووناغا ئێدی نه‌شێن خوه ب پارێزن، ئه‌و ب چه‌كێن نورمال خوه د پارێزن، داعش ب تانك و توپان هێرشا دكه‌ته سه‌ر ئه‌وان”.
پێدڤیه جڤاكێ نێڤده‌وله‌تی كۆبانێ ب پارێزيت و ئێدی نه ب تنێ بمينيت ته‌ماشاڤان كو باژێره‌كێ دی بكه‌ڤیته ده‌سستێ داعش.
میستورای داخوازكر كو هه‌كه داعش كۆبانێ ب ده‌ست بێخیت، ته‌ڤایا دونیایێ دێ په‌شیمان بیت و گۆت: “پێدڤی ئه‌م ده‌ملده‌ست بكه‌ڤینه كاری بۆ پاراستنا ئه‌وی باژێری”.
به‌رهه‌ڤكرن، ناجی به‌ده‌ل:
