نوونەرا عیراقێ دەلیڤەکا مەزن ژ دەستدا
ئەڤرۆ نیوز،ھەژار مەعروف:
تیما تەپا پێ یا زەورا نوونەرا عیراقێ د قارەمانیا یانێن ئاسیا قارەمانێن خولا یا تەپا پێ پشتی بەری دەمەکێ کێم توشی خوسارەتیەکا نە چاڤەرێکری بووی ل سەر دەستێ یانا نەسر یا سعودی ل یاریگەھا کەربەلا ل باشورێ عیراقێ ب دو گولان بەرامبەر گولەکێ و ھیڤێن خوە ب زەحمەت ئێخستن بوو دەربازبوونێ بوو قوناغا ١٦ ژ قارەمانیێ کو دڤێ یاریێ دا یانا سعودی بێ پشکداریا یاریزانێن خوە یێن پیشەکار یاری دکر ھەردیسان ب زوربەیا یاریزانێن یەدەگ یاری دکر ژبەرکو ئەوان ل خۆلا نافخوی یا سعودی دو یاریێن گرنگ ل حەفتیا بھێت ھەنە و ئەو یانە پتر گرنگی دەنە خۆلا نافخوی ل وەرزێ ئەڤ سالە .
دڤێ یاریێ دا یانا زەورا دەستپێکێ ل دەقیقا ٣٠ پێشکەڤت ب گولا یاریزانێ خوە عەلا عەباس و ل نیڤا دوێ پشتی چەند گوھورینا راھێنەرێ یانا سعودی ل پێکھاتیێ تیما خوە دا کری شیا کونترولا یاریێ بکەن ئەو بوو ل دەقیقا ٥٦ یاریزان یەحیا شەھری گولا وەکھەڤیێ بوو یانا نەسر تومارکر و ل دەقیقا ھەشتێ یێ دەمێ زێدەکری کو ٩٨ ژ یاریێ یاریزانێ یانا نەسر نەواف فرشان گولا دوێ بوو تیما خوە تومارکر و ھیڤێن یانا خوە گەشکرن بوو پلێتا دەربازبوونێ بوو قوناغا ١٦ ژ قارەمانیێ