نوونەرا کوردا ئەڤرۆ چاڤ ل سەرکەفتنا چارێ یە
ئەڤرۆ نیوز:
نوونەرا کوردا دخۆلا پلا ئێک یا سوید یا تەپا پێ دا یانا دالکورد یا بریارە ئەڤرۆ ل دەمژمێر ھەشت ب شەڤ ل دیڤ دەمێ کوردستانێ ل یاریگەھا خوە مێڤانداریا یانا ئورگریتە بکەت ژ چارچوڤێ یاریێن گەرا دەھێ ژ خولێ.
دڤێ یاریێ دا یانا دالکورد دێ ھەموو بزاڤا کەت بوو سەرکەفتنا خوە یا چارێ و ھەلویستێ خوە باشتر لێ بکەت د لیستەیا خولێ دا و ھەکە د یاریا ئەڤرۆ دا شیا سەرکەفتنێ توماربکەت دالکورد ژ رێزا ١٢ دێ پێشڤە چیتە رێزا ٧ د لیستەیا خولێ دا.
ھەژی گوتنێ یە ل وەرزێ ئەڤ سالە یانا دالکورد ٩ یاری دخولا سوید یا پلا ئێک کرینە کو ٣ یاریان دا شیا سەرکەفتنێ توماربکەت بەرامبەر ئێک وەکھەڤی و پێنچ خوسارەتیا.
