نيڤه‌كا سامانێ جيهانێ دده‌ستێ 1% ژ ئاكنجيێن وێ دايه
ئه‌ڤرۆنيۆز:
رۆژناما ئه‌ندبندنت يا بريتانى بابه‌ته‌ك به‌لاڤكر تێدا ئاماژێ دده‌ت كو 1% ژ ئاكنجيێن جيهانێ نيڤه‌كا سامانێ ئه‌ردى يا دده‌ستێ وان دا.
رۆژناما ناڤبرى دياركر كو هژمارا مليۆنێران يێ بلند بووى دده‌مه‌كى دا نيڤا ئاكنجيێن جيهانێ ئانكو 3 مليار و500 مليۆن كه‌سان تنێ 3% ژ سامانێن جيهانێ ل ده‌ف هه‌يه.
راپۆرتا كريديت سويس بۆ سامانێ جيهانى دياركر كو 1% ژ ئاكنجيێن جيهانێ 106 تريليۆن دۆلار يێن هه‌ين كو هه‌شت جاران زێده‌تره ژ قه‌بارێ ئابوورێ ئه‌مريكى.
ل دووڤ وێ راپۆرتێ 10% ئاكنجيێن جيهانێ ژ زه‌نگينان نێزيكى 87% ژ رێژا سامانێ جيهانێ يێ هه‌ى و90% ژ ئاكنجيێن جيهانێ تنێ 12% ژ سامانێ هه‌موو جيهانێ يێ هه‌ى. ديسا نيڤا ئاكنجيێن جيهانێ يێن گه‌له‌ك هه‌ژار تنێ 2،7% ژ رێژا سامانێ جيهانێ يێ هه‌ى.
