نێزیكى ئیمزاكرنا ڤێ یانا ئیسپانى بوویه
ئه‌ڤرۆ نیوز:
هێرشبه‌رێ هه‌لبژارتیێ ئورگواى و یانا پاریس سانجێرمان ئه‌دینسون كاڤانى نێزیكى كرنا یاریێ بوویه ل ئێك ژ یانێن خۆلا لالیگا ئیسپانیا.
چاڤه‌رێ دهێته‌كرن ل هاڤینا بهێت هه‌ڤبه‌ستا كاڤانى ل گه‌ل پاریس سانجێرمان ب دووماهیى بهێت و بیته یاریزانه‌كێ سه‌ربه‌ست ل ڤه‌گه‌هاستنێن هاڤینێ .
مالپه‌رێ كاتشیو مێركاتو یێ ئیتالى ئاشكراكریه كاڤانى ناخوازیت هه‌ڤبه‌ستا خوه ل گه‌ل یانا خوه درێژبكه‌ت تایبه‌ت پشتى راهێنه‌رێ وێ یانێ ل ڤێ دووماهیێ پشت به‌ستن پتر دانایه سه‌ر هێرشبه‌رێ ئه‌رژه‌نتینى ئیكاردى ئه‌وێ ل وه‌رزێ ئه‌ڤ ساله په‌یوه‌ندى ب وێ یانێ كرى .
هه‌ردیسان وى مالپه‌رى دیاركریه ژى ئه‌تله‌تیكو مه‌درید گرنگیه‌كا مه‌زن ب كاڤانى دایه بوو ئیمزاكرنا هه‌ڤبه‌ستا ئه‌وى ل هاڤینا بهێت و دیگو سیمیونى داخوازى ژ به‌رپرسێن یانێ كربوو هه‌ڤبه‌ستێ ل گه‌ل وى یاریزانى ئیمزا بكه‌ن .
