نێزیکی ئیمزاکرنا ھەڤبەستا یانەکا ئیسپانی بوویە
ئەڤرۆ نیوز،ھەژار مەعروف:
یاریزانێ ئیسپانی یێ یانا پاریس سانجێرمان یا فەرەنسی خیسی رودریگیز دخوازیت جارەکا دی ڤەگەریتە وەلاتێ خوە ئیسپانیا و یاریێ ل ئێک ژ یانێن خولا لالیگا بکەت پشتی ل دەستپێکا وەرزێ ئەڤ سالەھاتیە ڤەگوھاستن بۆ یانا پاریس سانجێرمان ژ یانا ریال مەدرید.
راپورتێن رۆژنامەڤانی ل ئیسپانیا وەسا داینە ئاشکراکرن خیسی رودریگیز دخوازیت بەری ب دووماھیی ھاتنا مێرکاتویا زڤستانێ ب ڤەگەریتە یانەکا ئیسپانی ھەر چەندە دو ھەڤبەستێن فەرمی ژ خولا ئینگلتەرا و ئینگلیزی بۆ ھاتنبوون و ئێک ژ ئەوانا یانا میدلزبرا یا ئینگلیزی بوو داخوازی ژ یاریزانێ ناڤبری و یانا پاریس کر بوو لێ یاریزانێ رەتکر یاریێ ل وەلاتەکێ دی بکەت ھەکە یانەکا ئیسپانی ھەڤبەست ل گەل ئیمزانەکر دێ مینتە ل یانا خوە ل ڤی دەمی.
ئەوان راپورتێن رۆژنامەڤانی ئاماژە ب وێ چەندێ ژی کر یاریزان ھەتا رادەکێ مەزن گەھشتیە رێککەفتنێ ل گەل یانا لاس پالماس یا ئیسپانی پشتی یانا ناڤبری داخوازیەکا فەرمی پێشکێشی یانا پاریس کری بۆ ڤەگوھاستنا یاریزان خیسی.
