نێزیکی200 تەنێن ماسیان ژەھراوی دبن
ئەڤرۆ:
ژ ئەگەرێ ژەھراوی بوونا پرۆژێ شێرانکێ یێ بخودانکرنا ماسیان ل دێرەلۆکێ ل رۆژا 8-3-2015 زیانێن مالی دگەھنە خودانێ پرۆژەی.
رێڤەبەرێ ناحیا دێرەلۆکێ بەھمەن ئەحمەد بۆ ئەڤرۆ دیارکر کو لژنەک ھاتیە پێکئینان بۆ دووڤچوونا بابەتی و چەندین ماسی و ئاڤ و خوارنا وان بۆ تاقیگەھان ھنارتینە و ھندەک ژوان ئەنجامان دیار بووینە کو یێن تووشی ژەھرەکا دژوار بووین، ھندەک ئەنجام ژی پشتی چەند رۆژێن دیتر دێ دیار بن کا چ جۆرێ ژەھرێ و دەرمانی بوویە و چاوا ئەڤ کارە ھاتیە ئەنجام دان.
خودانێ پرۆژەی سدقی ھاریکی دیار دکەت کو دۆرێن 150 ھزار ماسیان ل ڤی پرۆژەی ھەبوون و پتریا وان ژەھراوی بووینە کو دورێن 200 تەنان دبن، ل دووڤ لێکۆلینێن دەسپێکی ژی زیانێن مەزن گەھشتینە خودانێ پرۆژەی و ب 500 ملیۆن دیناران دھێتە تەخمین کرن و لێکۆلین ل سەر ئەگەر و ئەنجامێ ڤێ ژەھر بوونێ د بەردەوامن.
