نێچيرڤان بارزانى داخوازا ته‌كنۆلۆژيا يابانى كر
ئه‌ڤرۆ نيوز:
نيڤرۆيا ئه‌ڤرۆ رۆژا ئێكشه‌مبى رێكه‌فتى 15\3\2015، نێچيرڤان بارزانى سه‌رۆكێ حوكمه‌تا هه‌رێما كوردستانى پێشوازى ل كێنتارۆ سۆنۆرا جێگرێ وه‌زيرێ ژ ده‌رڤه يێ ياناب كر.
د ديداره‌كێ دا، ده‌سپێكێ جێگرێ وه‌زيرێ ده‌رڤه يێ يابانێ سۆپاسيا حوكمه‌تا هه‌رێما كوردستانێ كر بۆ ئيدانه‌كرنا كوشتنا گرتيێن يابانى د ده‌ستێ داعش دا و پشته‌ڤانيا وه‌لاتێ خوه بۆ هه‌رێمێ ده‌ربڕى.
ته‌كست ژى كر كو ئه‌و دێ هاريكاريا وان ئاواران كه‌ن يێن ژ ترسێن تيرۆرێ هاتينه هه‌رێمێ ب تايبه‌ت ژ لايێ ساخله‌مى و په‌روه‌رده و خزمه‌تگۆزاريێن گشتى دا.
ژ لايێ خوه ڤه سه‌رۆكێ حوكمه‌تێ هه‌رێما كوردستانێ سۆپاسيا وێ سه‌ره‌دانا جێگرێ وه‌زيرێ ده‌رڤه يێ يابانێ كر بۆ هه‌رێما كوردستانێ و سه‌ره‌دان د ڤى ده‌مى دا وه‌كو پشته‌ڤانيه‌ك بۆ هه‌رێما كوردستانێ ل قه‌له‌م دا و ته‌كست كر كو بۆ هه‌رێما كوردستانێ سه‌ره‌دانا وان د ڤى ده‌مى دا يا گرنگه و گۆتژى: “كوشتنا گرتيێن يابانى ل سه‌ر ده‌ستێ داعش تراژيديايه‌ك بوو هه‌موو كه‌س تووشى شوكێ كرن”.
نه‌ڤه‌شارت ژى كو هه‌رێما كوردستانێ پێشوازى ل زێده‌تر ژ ميلۆنه‌ك و پێنج سه‌د هزار په‌نابه‌ر و ئاواران كريه و ئه‌ڤێ ژى فشاره‌كا مه‌زن خستيه سه‌ر حوكمه‌تا هه‌رێما كوردستانێ ب تايبه‌ت حوكمه‌تا عيراقێ وه‌كو پێدڤى هاريكاريا ئاواران نه‌كريه.
ته‌كست ل سه‌ر وێ چه‌ندێ ژى كر كو هه‌رێما كوردستانێ چاڤێ ل سه‌ر يابانێ هه‌يى د وارێ هه‌لگرتنا مينان دا ب دابينكرنا ئامير و پێدڤيێن ته‌كنۆلۆژى يێن نوو د وارێ راكرنا مينان دا.
