نەتەوێن ئێکگرتی: بارزانی ب فەرمی بۆ ئەنجامدانا ریفراندۆمێ ئەم ئاگەهدار کرینە
ئەڤرۆ نیۆز،زنار تۆڤی:
هنارتیێ نەتەوێن ئێکگرتی ل کۆمبوونا ئەنجوومەنێ ئاسایشا نێڤدەولەتی دا راگەهاندیە کو بارزانی ب فەرمی بۆ ئەنجامدانا ریفراندۆمێ ئەم ئاگەهدار کرینە.
یان کوبیش هنارتیێ نەتەوێن ئێکگرتی ل عێراقێ (یۆنامی) ل کۆمبوونا ئەنجوومەنێ ئاسایشێ ل بارێ عێراقێ دا راپۆرتەک خواندیە و یان کوبیشی تێدا گۆتیە ل ئادارا 2017 مەسعود بارزانی سەرۆکێ هەرێما کوردستانێ ب فەرمی بۆ مە راگەهاندیە کو ل سالا 2017 ریفراندۆم دێ هێتە ئەنجامدان.
هەروەسا ل رۆژا 30-3-2017 ئەنتۆنیۆ گۆتەرێس سکرتێرێ گشتیی یێ نەتەوێن ئێکگرتی سەردانا هەولێری کریە و ل گەل مەسعود بارزانی سەرۆکێ هەرێما کوردستانێ کۆمبوویە.
