نەخۆشترین رۆژ ئەو بوو دەمێ هەڤژینا من ل گەل كچەك و دو كوڕێن من شەهیدبـووین
ديدار، سالار محةمةد دؤسكى:
2-2
هەر دو ئوردیگا گەلەك مەزن بوون وی دەمی بابێ من خواست بچنە ئوردیگایێ (رەبەتی) هاتینە (رزایێ) و دووڤ دا هاتنیە ئوردیگایێ (زێوە) و دەربازبووینە ئوردیگایێ (رەبەتی) ئەم ماوێ سێ هەیف هەتا چار هەیڤان ئەم ماینە وی ئوردیگایی و هەمان دەم هندەك ڤەگەریان و خوە رادەستی حوكمەتا ئیراقێ كرن و ئەوێن ماینە ل ئیرانێ حوكمەتا شاهی نەهێلا كەسەك ل گەل ئێك بیت و هەتا مالەكێ دو برا بانە ژێكڤە دكرن و نەهێلانە باژێری و هەتا برایێ منێ شەهید (جەمیل) نەهێلا ل گەل مەبیت وی دەمی ئەز زگورد بووم و ئەو برایێ من ل گەل خێزانا وی رەوانەی باژێرەكێ دی كرن و مالا بابێ من هەمی برە (مەشهد) ئەڤە سیاسەتا وی دەمی یا حوكمەتا شاهێ ئیرانێ بوو ئەڤە بۆ وێ چەندێ بوو دا چ بزاڤێن كوردی دروست نەبن و دیسا بۆ وێ چەندێ بوو دا هەر ئێك ب دابینكرنا پاریێ ژیانێ ڤە یێ مژوول بیت و ئاگەه ژ سیاسەتێ نەبوو و رێكا (159 دەمژمێرانە ژ تەهران بۆ (مەشهد) و ئەم ماینە ڤی باژێری هەتا سالا 1977ێ و حوكمەتا شاهی زەلام و گەنج هەمی دانانە سەر كارخانا دا بخوە پاریێ ژیانێ پەیدا بكەن و هەمان دەم ژی دا مژوویل بن و چ بزاڤێن سیاسی ئێدی دروست نەبن و سالەك دەرباز بوو مە چ دەنگو باسێن برایێ من نەزانین و كا ل كیڤە یە و ئەم پێنچ شەش مالێن نێروەیی ل گەل ئێك دا بووین و سالا 1977ێ (بابەكر زێباری) هاتە دەف مە وی دەمی شۆرەشا (گولانێ) دەسپێكربوو و مە ڤیا خوە نێزیكی سنوری بكەین و حوكمەتێ رێك نەدامە و دووڤ دا ب هاریكاریا هندەكا بریارەك هاتەدەركرن كور هەر كەسەكێ بڤێت بچیت دشێت بچیت وی دەمی (محەمەد تاهر) چوو بەر دلوڤانیا خودێ و (سەلیم نێروەیی) مابوو دژیانێ دا و ل سالا 1979ێ پشتی بارزانیێ نەمر چوویە بەردلوڤانیا خودێ ئەم نێزیكی (150) مالێن نێروەیی یا هاتینە ئوردیگایێ زێوە وی دەمی ئیران ئاگەهدار بوو و رێ دا و هەتا پشتەڤانیا مە ژی كر و ل گەل هاتنا مە بۆ دەڤەرێ و ئێدی نەبتنێ كار ل سەر دابینكرنا پاریێ ژیانێ هاتەكرن كو خوە خودان بكەین بەلكو كار ل سەر رێكخستنا پێشمەرگەی دووبارە هاتەكرن و هەر كەسەكی ڤیا چەكی ب هەلگریت چەكێ شەرەفێ هەلگرت و كار بۆ وێ چەندێ دكر كو خەباتێ بكەت و بەردەوامیێ بدەتە خەباتا خوە یا پێشمەرگاتیێ و هەر جهەكێ ئەم هاتبینە راسپاردن بۆ پێشمەرگاتیێ مە دكر ئەڤجا (حاجی عومران، قەلادزێ، سیدەكان) ل سالا 1985 ئێزگێ دەنگێ كوردستانا ئیراقێ ل دەڤەرا (خنێ وەی) ئیراقێ بوو و (9) دەمژمێران دێ ژ ئیرانێ ب پیان هێی هەتا تو گەهشتبایە ڤی گوندی وێ سالێ ئەز ل گەل (عصمەت نێروەیی) بووم و جەنابێ سەرۆك (مەسعود بارزانی) وێ سالێ سەرەدانا بارەگاییێن پێشمەرگەی كر، ل گەل سەرەدانا جەنابێ سەرۆكی حوكمەتا ئیراقێ ئوردیگایێ زێوە بوومبە بارانكرن وی دەمی رادیۆیا لەندەن هەبوو ب زمانێ فارسی و ئەڤ دەنگوباسە بەلاڤكر و ئەو پێشمەرگەیێن مالێن وا ل ئوردیگایێ زێوە گەلەك تەنگاڤ بوون و دلێ من دیف مالێن مە دابوو و دەمژمێر (9) رێك ب مەهاتەدان كو بزڤرینە مالێن خوە و سەحكەینە خێزان و زارۆكێن خوە و ئەم رێكا (9) دەمژمێران پیان هاتین و ئەم (50) پێشمەرگە بووین و مە ب رێكێ ڤە پرسیار دكر و هندەك گۆتە من فلان كەس جیرانا تەیە و كەسەك وێ مالێ دا قورتال نەبوویە و هەمی شەهید بووینە و دەمێ نێزیك بوویم هاتمە ئاگەهدار كرن كو خێزانا من شەهید بوویە و من پرسیارا مالا خوە كر و گۆتن چووینە گوندێ (شەقلاڤا) ومالا مە حەفت كەس بریندار ب بوون و خێزانا من ل گەل كچامن یا ژیێ وێ نە ب بوو چل رۆژ ئەو ژی ل گەل شەهید ب بوو و دو كورێن من بریندار ب بوون و پشتی ماوەكێ درێژ ژ ئەگەرێ برینێن گران هەر دو كورێن من ژی شەهید بوون و من گەلەك ماندیبوون و هاتن و چوون پێڤە دیت لێ هەر خودێ كر و شەهید بوون و سالا 1983ێ ژی برایێ من شەهید بوو ل (قەلادزێ) (9) كەس ژ مالا من دناڤا گورستانا (مەلا مستەفا بارزانی) دا هاتینە ڤەشارتن ژ شەهیدان و ب فەرمانا خودێ وەغەركربیت.
هێشتا گۆت: وی دەمی شەرێ ئیراق و ئیرانێ ب دووماهی هات و حوكمەتا ئیراقێ بریار دا هەمی هێزێن خوە بینە سەر سنورێ خوە توركیا وی دەمی هەوا ئەنفالان دەست پێكر و ل سەر سنوری مە چیا گرت و نێزیكی 50 پێشمەرگەی بوو و جەنابێ سەرۆك مەسعود بارزانی ژی ل گەل مە بوو و حوكمەتا ئیراقێ ب هەمی هێزا خوە هات و مە نەهێلا دەربازبیت و ئەو رێك هاتە ڤەكرن ب ۆخەلكێ مە ل دەڤەرێن رزگار كر هەتا خوە و ئاژەلێن خوە دەربازكرین بۆ ئیرانێ و هەتا خەلكێ مە گەلەك دبارزان را هاتنە دەڤەرێ.
هەمان پێشمەرگەیێ شۆرەشا گولانێ ئەو ژی دیاركر كو پشتی سەرهلدانا سالا 1991ێ ل گەل جەنابێ سەرۆك (مەسعود بارزانی) زڤرینە كوردستانێ و بارەگایێ مەكتەبا سیاسی دانا هاڤینگەها سەلاح الدین و مالێن مە 1999 ژ ئیرانێ ڤەگەریانە كوردستانێ و هەتا 1996ێ ل گەل جەنابێ سەرۆكی بووین و دووڤ دا ل گەل (عصمەت نێروەیی) بۆ فەرماندەیا دهۆك هاتینە ڤەگوهاستن و دووڤ دا ل گەل كومەكا پێشمەرگەیان هاتینە ڤەگوهاستن بۆ سوپایێ چار 2012 ێ و هەتا هاتیمە خانەنشینكرن ل سەر پلا عەقید.
ل دور نەخۆشترین شەر ژی، هەمان پێشمەرگە گۆت: دەمێ ل شەرەكی مە شەهید دابانە ئەو شەر بوومن گەلەكێ نەخۆش بوو و شەرێ (خواكوركی) شەرەكێ گەلەك مەزن بوو و داستانەكا گەلەك مەزن بوو و مە شەهید و بریندار ژی دا لێ مە سەركەفتنەكا مەزن ب دەست ڤە ئینا و جەنابێ سەرۆكی ل گەل مە بوو و مورالا پێشمەرگەی یا بلند بوو ب هەبوونا جەنابێ وی بەردەوام ئاگەهـ ژ هەر بزاڤەكێ هەبوو و بەردەوام پەیوەندی ل گەل مە هەبوون و دەمێ پێشمەرگە دچوو شەرەكی دا رابوونا وی گەلەك یا بزحمەت بوو وی دەمی رادبوو یان سەركەفتن یان شەهید بوون و توپەك بناڤ مە كەفت و خەزیرێ من بریندار بوو و چەند هەڤالێن من شەهید بوون و گوهێ من پەردە پەقی و هەتا نوكە من گول دەنگا نابیت و پێشتر ژی چەند جاران بریندار بوویمە لێ نەدشەرا دا بوویە و بەلكو برینێن سڤك بووینە، نەخوشترین دیمەنێن من دیتین دژیانا خوە دا دەمێ هاتینە ئاگەهداركرن كو ئوردیگایێ زێوە هاتیە توبارانكرن و حەفت كەس ژ خێزانا من بریندار بووین و هەڤژینا من ل گەل كچا من ئێكسەر شەهید بووین و برایێ من 1983ێ شەهید بووی ئەڤ رۆژە گەلەك تەعل بوون و و چ جاران ژ بیر ناكەم و سالا 1975ێ رۆژا ژ هەمی یا نەخۆشتر بۆ مللەتێ مە بوو و ژیانا ئاوارەیێ ل ئیرانێ یا نەخۆش بوو.
ل دوماهیێ مەهدی مەم سینی گۆت: سەرهلدانا 1991ی گەلەك یا خۆش بوو و دەمێ ل گەل جەنابێ سەرۆك بارزانی هاتینە رانیە و دووڤ دا هاتینە هەولێرێ و ئەو بارەگایێن حزبا بەعس هەمی هاتینە رزگاركرن و خەلكێ ئازادە و گەلەك خەلكی جەنابێ سەرۆكی ئازاكرن، ئەڤ دەسكەفتە هەمی یێن بەری سەرهلدانێ نە و دەمێ هەمی پارتێن كوردستانی بووینە ئێك و بەرەی كوردستانی هاتیەدانان ئەڤ دەسكەفتە ب دەست ڤە هاتن و داخاز دكەم خودێ مللەتێ مە ب پارێزیت و خودێ ئێك رێز و ئێك دەنگیا مە و سەركەفتنێ بینتە رێكا مە.
