نەخۆشیەكێ مەترسی ل سەر بەرهەمێ هژیرێن دەڤەرا ئاكرێ دروستكریە
رەمەزان زەكەریا
دەڤەرا ئاكرێ ناڤدارە ب بەرهەمێ هژیرا، سالانە ب هزاران تەن دهێنە بەرهەمئینان ل بازاری خواستەكا باش ل سەر هەیە، ئەڤ سالە ڕووبڕووی نەخۆشیەكا مەزنا چاندنێ بوویە و نێزیكە بەرهەم پێ بگەهیت و مەترسی ل سەر دروستبوویە.
كاروان جەمال، ئەندازیار ل رێڤەبەریا چاندنا ئاكرێ بۆ ئەڤرۆ گۆت: ل دووڤ ڕاپۆرت و دووڤچوونێن مەیدانی مەترسیەكا مەزن ل سەر بەرهەمی هژیرا هەیە، ژ بەر كو هاتیە ئاشكراكرن كو نێزیكی ٢٠٪ بۆ ٣٠٪ ژ هژیرێن سەر داران ژبەر نەخۆشیێ دكەڤن ئەڤ نەخۆشیە د دەمەكێ دایە كو دەڤەرا ئاكرێ خودان زێدەتر ژ ٢٤٠ هزار بنەدارێن هژیرانە و سالانە دناڤبەرا ٥,٠٠٠ بۆ ٧,٠٠٠ تەنێن هژیران دهێنە بەرهەمئینان، ژ دەستدانا ڤێ ڕێژەیا مەزن یا بەرهەمی گەفەكا ئابووری یا زۆر رژدە ل سەر ژیارا سەدان خێزانێن دەڤەرێ كو ئابوورێ وان یێ ل سەر ڤی وەرزێ هژیرا.
ناڤهاتی گۆت: ئەو مێشە گەلەك حەز ژ كێمبوونا ڕۆژێ سێبەرا چڕ و ڕێژەیا بلند یا شێداریێ دكەت پێدڤییە جوتیار ئەردێ باغێن خۆ بكێلن دا كو گەرم و ڕۆژ بگەهیتە بن ئاخێ هەروەسا ڕێكخستنێ د ئاڤدانیێ دا بكەن دا كو ڕێژەیا شێداریێ كێم ببیت و ژینگەها گەشەكرنا مێشێ تێك بچیت، ب ڤان ڕێكارێن زانستی و سروشتی جوتیارێن ئاكرێ دشێن د ڤان رۆژێن مان و نەمانێ دا بەرهەمێ خۆ ژ خراببوونی ڕزگار بكەن و ڕێگریێ ل زیانێن مادی یێن مەزن بكەن.
