نەوشێروان داخوازەکێ ژ راگەهاندنا ئێکەتيێ دکەت
ئەڤرۆ نیوز ، کاروان باعەدری:
نەوشێروان موستەفا رێکخەرێ گشتیێ تەڤگەرا گۆران ئەڤرۆ ل گه‌ل راگەهاندنکارێن ئێکەتی نشتیمانی کوردستان کۆمبوو و داخواز ژ وان کر ل گەل میدیا گۆران د هەڤکاربن و کاری هەڤبەش بکەن ژبۆ جێبەجیکرنا رێکەفتنا (ئێکەتی ،گۆران ). هەروەسان د بەرامبەر دا راگەهاندنکارێن ئێکەتی خۆشحالیا خۆ نیشاندان . و دووپات ل سەر رێکەفتنا دناڤبەرا هەر دوولایان دا هاتە کرن ب هەموو برگەیان و ب تایبەت میدیایا هەردوولایان .
دهیتە زانین بۆ ماوەیێ چەند رۆژا میدیایا گۆران هێرشەکە توند دکەتە سەر پارتی و کەسایتیا سەرۆکی هەریمێ ، د بەرامبەردا سەرۆکی پەیامەک بەلاڤکر و داخواز ژ خەلک وجەماوەری پارتی کر ( هیج کەس ل سەر تەشهیرا گۆران بەرامبەری من بەرسڤ نەدەت) ، هەروەسان پشتی هنگی ئیکسەر ئەڤ هێرشا میدیایا گۆران هاتە راوەستاندن .
ئەڤە هیرشا میدیای ژی پشتی وی داخوازا داواکارێ گشتی دهیت ئەوا تۆمارێن دەنگی ل سەر نەوشیروان موستەفای . کو ل بەرامبەر دادگەهێ ئامادەبیت . شۆرەش حاجی پەیڤداری تەڤگەرا گۆران ژی ئەو بریارا داگەهی ب نە یاسایی و سیاسی وەسفکربوو . هەروەسان سەلاحدین بەهائەدین ئەمیندارێ گشتیێ یەکگرتوویا ئیسلامیا کوردستانێ داخواز ژ سەرۆک بارزانی و نەوشیروان موستەفای کربوو کو هێرشا میدیای راوەستینن و دیارکربوو ئەڤ کارە د خزمەتا مللەتێ کورددا نینە .
