هاته ده‌نگ ل سه‌ر چوونا خوه بۆ به‌رشه‌لۆنا
ئه‌ڤرۆ نیوز:
ل ماوێ چه‌ند رۆژێن بورى ل هژماره‌كا رۆژنامه‌یێن ئورۆپى هاتبوو به‌لاڤه‌كرن ستێرا به‌ره‌ڤانیا یانا ناپولى و هه‌لبژارتیێ سینگال كالیدو كولیبالى دێ ل ڤه‌گوهاستینَن زڤستانێ هه‌ڤبه‌ستا به‌رشه‌لۆنا ئیمزا كه‌ت و ل سه‌ر ئه‌وى ده‌نگوباسى یاریزانێ ناڤبرى هاته ده‌نگ.
كولیبالى ل سه‌ر وى ده‌نگوباسێ چوونا وى بوو به‌رشه‌لۆنا د داخویانیه‌كێ دا بۆ مالپه‌رێ RMC یێ فره‌نسى دیاركریه ئه‌و ئه‌ڤه بوو ماوێ پێنچ ساله ل یانا ناپولى یارى دكه‌ت و ئه‌و وه‌كو خێزانا خوه دبینت و گه‌له‌ك یێ ئارامه ل گه‌ل ڤێ یانێ و هه‌تا نوكه وى هزر ل چوونا خوه نه‌كریه و نوكه بتنێ ئه‌و ته‌ركیز ل سه‌ر وێ چه‌ندێ دكه‌ن بوو هه‌ڤركیا برنا ناسناڤێ خولێ و هه‌ڤركیا قاره‌مانیێن ئورۆپى ژبه‌ركو ئه‌وان جه‌ماوه‌ره‌كێ دلسوز هه‌یه و ئه‌و دخوازن ب ئه‌نجامێن سه‌ركه‌فتى ئه‌وان دلخوش بكه‌ن.
هه‌ژى گوتنێ یه نوكه كولیبالى دهێته هژمارتن ئێك ژ به‌رنیاسترین به‌ره‌ڤانان ل سه‌ر ئاستێ جیهانێ و هژماره‌كا یانێن مه‌زن ل سه‌ر ئاستێ ئورۆپا هه‌ڤركیا ب ده‌ستڤه ئینانا وى دكه‌ن لێ یانا ناپولى ناخوازیت ده‌ستا ژێ به‌رده‌ت ل ڤى ده‌مى.
