هشيار بن… ڤايرۆسه‌كێ نوو ل ده‌ڤ زارۆيان يێ په‌يدا بووى
رێڤەبەرێ نەخوه‌شخانا ھیڤی یا زارۆیان، دیارکر کو ڤایرۆسەک ل جەم زارۆیان بەربەلاڤ بوویە، ئەف ڤایرۆسە دەست و پێیان و دەڤی و جھێ دەست ئاڤا زراڤ دگریت وئه‌ڤ ڤایرۆسە ل جەم زارۆیان د زێدە بوونێ دایە و نیشانێن وى هه‌تا دو سێ رۆژان بۆ زارۆيی پەیدا دبن، چالاکی و لڤێنێن وی کێم دبن بەردەوام دنڤیت دێ بينی یێ سستە، رۆژا سیێ یان یا چارێ پرسک لێ دیار دبن.
نزار بەکر، تايبه‌تمه‌ندێ نه‌خوه‌شيێن زارۆيان و رێڤەبەرێ نەخوه‌شخانا ھیڤی یا زارۆیان بۆ نوش نيوز گۆت” ژبۆ ھاریکاریا زارۆيی دەما تووشی ڤی ڤایرۆسی دبیت ئەوە تایێن وی سڤک بکەت، ھندەک ملحەما ددەینێ دا کو پرسکێن وی ھشک بن و ئارام بیت”.
گۆت ژى” یا گرنگ ئەوە ڤی ڤایرۆسی پەیوەندی ب سورکان و ڤاکسینا وان ڤە نینە، دەما ئەف ڤایرۆسە بۆ زارۆيی پەیدابوو، رامان ئەو نينه کو ڤاکسینێ نادانيت، چونکى ھەکە ڤاکسینێ نەدانيت، پتر دەلیڤە یا ھەی زارۆیێ وان تووشی سورکان ببیت، وەکو ئەم دزانینن سورک ئێشەکا کۆژەکە ل جەم زارۆیان”.
تایبەتمەندێ نەخۆشیێن زارۆیان دووپاتکر كو پێدڤیە ل سەر دایک و بابان ئاگەھدار بن دەما تیمێن ساخلەمیێ بەر ب مالێن وان دچن، ھەر بۆ باشیا زارۆیێن وان دا کو ئەڤ ھەموو زارۆیە بھێنە ڤاکسین دان، دا ل پاشەرۆژێ سورک نەھینێ، ھەکە سورک ھاتنێ ژی دێ گەلەک دسڤک بن و نابیتە جھێ مەترسیێ ل سەر ژیانا زارۆكى”.
