هه‌رێم سه‌باره‌ت پشكداریا پێشمه‌رگه‌ى د كۆنترۆلكرنا ره‌ققه دا هاته ده‌نگ
ئه‌ڤرۆ نيوز:
شیره‌تكاره‌كێ راگه‌هاندنا سه‌رۆكاتیا هه‌رێما كوردستانێ راگه‌هاند كو هه‌تا نوكه ژى مه‌شق و راهێنانا پێشمه‌رگه‌ى ژ ئالیێ هێزا هه‌ڤپه‌یمانان ڤه یا به‌رده‌وامه و د چارچوڤێ هه‌ڤپه‌یمانیا نێڤده‌وله‌تى دا پێشمه‌رگه دێ پشكداریێ د شه‌رێ دژى داعش دا كه‌ت.
ل دۆر هنارتنا پێشمه‌رگه‌ى بۆ ده‌رڤه‌ى سنوورێ كوردستانێ، كو به‌رى نوكه سه‌رۆكێ هه‌رێما كوردستانێ بۆ ئاژانسه‌كا فره‌نسى گۆتبوو” پێشمه‌رگه یێ به‌رهه‌ڤه ل باژێرێ ره‌ققه شه‌رى بكه‌ت، كیفاح مه‌حموود شیره‌تكارێ راگه‌هاندنا سه‌رۆكاتیا هه‌رێمێ بۆ “باشنیوز” گۆت:(د ڤى وارى دا چو تشته‌ك نینه و هه‌تا نوكه چو داخوازیێن فه‌رمى ژ سه‌رۆكێ هه‌رێما كوردستانێ نه‌هاتینه كرن و ئه‌ڤ پرسه ب تنێ د به‌رسڤا پرسیارا رۆژنامه‌ڤانه‌كێ فره‌نسى دا بوو كو ئاراسته‌ى سه‌رۆكێ هه‌رێما كوردستانێ كربوو).
