هه‌سه‌دێ دووماهى ئۆپه‌راسيۆنا خوه دژى داعشێ ده‌ستپێكر
ئه‌ڤرۆنيوز:
به‌رپرسێ راگه‌هاندنا هێزێن سووريا ديموكرات (هه‌سه‌ده) راگه‌هاند، مه ئۆپه‌راسيۆنه‌ك بۆ كونترۆلكرنا دووماهى پێگه‌هێ داعشێ ل سووريێ ده‌ستپێكريه.
مسته‌فا بالى، به‌رپرسێ راگه‌هاندنا هێزێن سووريا ديموكرات (هه‌سه‌ده) بۆ كوردستان 24 گۆت” نوكه چه‌كدارێن رێكخستيا داعش يا تيرۆرستى ل دووماهى پێگه‌هێ خوه‌نه ل ده‌ڤه‌را (باغوز) ل پارێزگه‌ها دێرلزور”.
گۆت ژى” ل ئه‌سمانى فرۆكێن هه‌ڤپه‌يمانيا نێڤده‌وله‌تى يا دژى داعشێ پشته‌ڤانيا مه دكه‌ن وجهێن داعشێ توپباران دكه‌ن”.
ده‌ڤه‌را ياغوز دكه‌ڤيته رۆژهه‌لاتا پارێزگه‌ها دێرلزۆر كو نێزيكه ژسنورێ دناڤبه‌را سووريێ وعيراقێ ودووماهى رووبه‌ره كو هێشتا دبن ده‌ستهه‌لاتا چه‌كدارێن داعشێ دا ماى”.
