هه‌لبژارتيێ ڤى وه‌لاتى ژى گه‌هشته مونديالا رۆسيا
ئه‌ڤرۆنيۆز:
هه‌لبژارتيێ دانيمارك يا ته‌پا پێ ل دره‌نگيا شه‌ڤا بۆرى گه‌هشته مونديالا رۆسيا 2018 پشتى ب سه‌ركه‌فتى ل سه‌ر هه‌لبژارتيێ ئيرله‌ندا ل سه‌ر ئاخا وێ ب ئه‌نجامێ پێنج گۆلان به‌رامبه‌ر گۆله‌كێ.
هه‌رچه‌نده هه‌لبژارتيێ ئيرله‌ندا ل خۆله‌كا شه‌شێ ژ ياريێ ب گۆله‌كێ پێشكه‌فت كو ژ لايێ ياريكه‌رێ وێ شان دوفى هاته تۆماركرن، به‌لێ هه‌لبژارتيێ دانيمارك شيا ل خۆله‌كا 29 گۆلا وه‌كهه‌ڤيێ تۆماربكه‌ت ژلايێ ياريكه‌رێ وێ ئه‌ندرياس كريستينسن وپاشى ل خۆله‌كا 32 گۆلا خوه يا دويێ ب رێيا ياريكه‌ر كريستيان ئێركسن تۆمار بكه‌ت كو گێمێ ئێكێ ئه‌نجامێ دو گۆل به‌رامبه‌ر گۆله‌كێ دبه‌رژه‌وه‌ندا دانيمارك ب دووماهى هات.
د گێمێ دويێ دا هه‌لبژارتيێ دانيمارك سێ گۆل تۆماركرن ب رێيا ياريكه‌رێن خوه كريستيان ئێركسن ل خۆله‌كێن 63 و 74 ونيكولاس بيندنتر ل خۆله‌كا 90، ب ڤى ئه‌نجامى دانيمارك گه‌هشته مونديالا رۆسيا 2018 يا ته‌پا پێ پشتى ل ياريا ئێكێ كو ل سه‌ر ئه‌ردێ وێ هاتيه كرن هه‌ردو هه‌لبژارتى ب بێ گۆل وه‌كهه‌ڤ ببوون.
