هه‌لسه‌نگاندنا خزمه‌تێن چار سالێن بۆری بۆ زارۆیان هاتینه پێشكیشكرن هاته كرن
دهۆك نیوز، له‌زگین جوقی
پارێزگارێ دهۆكێ دیاركركو پشته‌ڤانیا وه‌لاتێ ئیتالیا و رێكخراوێن سه‌ر حوكمه‌تێ و ستاڤێ وان یێ دگه‌ل ساخله‌میا كاركرنێ كورتیا پرۆژی ئه‌و بوویه پێشڤه‌برنا كه‌رتێ ساخله‌میێ گرێدایی زارۆیان و كێمكرنا گیان ژده‌ستدانا زارۆیان ب ریێا ئێداری و دابینكرنا پێدڤین ساخله‌میێ هه‌موو واره‌كێ بۆ خزمه‌تكرنا زارۆیان دابین كرینه ب ناڤێ پارێزگه‌ها دهۆكێ و حوكمه‌تا هه‌رێمێ سوپاسیا وه‌لاتی ئیتالیا دكه‌ین بۆ وێ پشته‌ڤانیی و هه‌ماهه‌نگیا دگه‌ل ساخله‌میێ دكه‌ن پێخه‌مه‌ت خزمه‌تكرنا خه‌لكێ دهۆكێ”.
فه‌رهاد ئه‌مین ئه‌تروشی پارێزگارێ دهۆكێ دیاركركو ئه‌ڤه هاتیه كرن به‌شه‌ك بوویه ژ پلانا پێنچ سالێن بۆری وه‌كو ئێدارا پارێزگه‌ها دهۆكێ ب پلان وهزر نه تشته‌كێ وه‌سا چیبوویه به‌لكو ئه‌ڤه هه‌موو پلان بووینه ئه‌م په‌یوه‌ندیێن خوه دگه‌ل رێكخراویێن جیهانێ بهێزبێخین ودگه‌ل ده‌وله‌تێن جیهانی ژی بۆ هندی ئه‌م بشێن مفایی ژ سه‌ربوو و شیانێن وان یێن كارگیری و ئێداری دا ب تایبه‌تی ژی وارێ ساخله‌میێ دا ب گشتی هه‌روه‌سا ژی واری ئابووری ژیدا هاریكاریا مه بۆ گه‌له‌ك پرۆژان كریه ئه‌ڤه ژی هه‌ر ئێك ژوان پرۆژان بوویه وبه‌رفره‌هكرنا نه‌خۆشخانا ئازادی ژی پرۆژه‌كێ گه‌له‌ك مه‌زن دهێته چێكرن و گه‌له‌ك پرۆژه‌یێن دی هه‌بووینه وكارێن باش هاتیه كرن.
د. نزار عسمه‌ت، رێڤه‌به‌رێ گشتی یێ ساخله‌میا پارێزگه‌ها دهۆكێ دیاركركو كورتیا چیرۆكا سه‌ركه‌ڤتنا نه‌خۆشخانا هیڤی یا زارۆیان ڤه‌دگه‌ریت بۆ هه‌ماهه‌نگیا هه‌ره باش وپشته‌ڤانیا به‌رده‌وام یا هه‌موو ئالیه‌كی بۆ نه‌خۆشخانا هیڤی و باشتر بكارئینانا وان ژێده‌ران ژلایێ نه‌خۆشخانێ ڤه بۆ هندێ رێ مرنێ كێم بكه‌ین ب رێژا 20 مرن هاتیه كێمكرن دناڤ زارۆیان دا چ ئه‌و زارۆیێن ل نه‌خۆشخانێ دهێنه نڤاندن یان ژی ئه‌وێن ژ ده‌رڤه دهێن سه‌را نه‌خۆشخانێ ده‌ن ئه‌ڤ چیرۆكا بۆ سالا 2013ێ ڤه‌دگه‌ریت پلان بۆ هاتبوو دانان ل سالا 2014ێ ده‌ست پێ هاته كرن هه‌تا نوكه دوو سالان ئه‌و داتایێن هاتینه كۆمكرن هاتنه هه‌لسه‌نگاندن كا چه‌وا ده‌مێ زارۆك دهێته ناڤ نه‌خۆشخانێ دا هه‌تا ژ ده‌ركه‌ڤیت ژی هژماره‌كا زۆر یا زارۆیان پێزانیێن وان هاتنه سرۆڤه‌كرن دئه‌نجامدا ژی دیاربوو ئه‌و جۆداهیا جیبووی مه گه‌له‌ك یا گرنگ بوو واری زانستی دا ئه‌و پشخستنا كه‌ڤتیه واری ساخله‌میێ دا.
د. نزار عسمه‌ت، گۆت: ژێده‌رێن دارایی ژی جۆدا جۆدا هاتیه هنده‌ك جاران وه‌لاتێ ئیتالیان بوویه و هنده‌ك جاران رێكخراوا ساخله‌میا جیهانێ بوویه و هنده‌ك جاران ژی ئێكه‌تیا ئوروپی بوویه پشته‌ڤانیی ل ڤی پرۆژی كریه ونوكه ژی هنده‌ك پرۆژه‌یێن دی یێن هه‌ڤپشك هه‌نه دێ رێكخراوا giz و حكومه‌تا ئه‌لمانیی ژی پشته‌ڤانیی لێكه‌ن ونوكه ژی رێكخراوا ساخله‌میا جیهانێ‌َ پرۆژه ب كوژمێ 400 هزار دولاران بۆ پشته‌ڤانیكرنا نه‌خۆشخانا هێڤی بكه‌ن.