هه‌ولێر ل گه‌ل راهێنه‌ره‌كێ به‌رنیاس یێ عه‌ره‌بى رێككه‌فت
ئه‌ڤرۆ نیوز:
ئه‌كرم سه‌لمان راهێنه‌رێ تیما ته‌پا پێ یا هه‌ولێرێ ئه‌وا پشكدار دخۆلا پلا نایابا عیراقێ ب فه‌رمى ده‌ست كاركێشانا خوه ژ پوستێ راهێنه‌ریا وێ یانێ راگه‌هاند پشتى ل هه‌ر سێ یاریێن ده‌ستپێكا خولێ نه‌شیاى سه‌ركه‌فتنێ توماربكه‌ت .
ژێده‌ره‌كێ نێزیك ژ كارگێریا یانا هه‌ولێر بوو ئه‌ڤرۆ نیوز راگه‌هاند كارگێریا یانێ ل سه‌ر ده‌ست كاركێشانا راهێنه‌رێ تیمێ ئه‌كرم سه‌لمان رازى بوو پشتى كومبوون هاتیه‌كرن هه‌ڤبه‌ستا ناڤبرى ب رازه‌مه‌ندیا هه‌ردو لایانان هاته هه‌لوه‌شاندن .
هه‌ردیسان وى ژێده‌رى دیاركر ژى چه‌ندین راهێنه‌ر ل به‌ر ده‌ستێ كارگێریا یانێ بوون وه‌كو پێگوهورێ ئه‌كرم سه‌لمان لێ كارگێریا یانێ راهێنه‌رێ به‌رنیاس یێ سورى و یانا هه‌ولێرێ یێ به‌رى نوكه نزار مه‌حروس وه‌كو راهێنه‌رێ نوو دێ ده‌ست نیشانكریه و چاڤه‌رێ دهێته‌كرن دڤێ حه‌فتیێ دا ب فه‌رمى بهێـته راگه‌هاندن و ئه‌و راهێنه‌ر ب گه‌هیته باژێرێ هه‌ولێرێ بوو ئیمزاكرنا هه‌ڤبه‌ستا یانێ .
یانا هه‌ولێر ل هه‌ر سێ یاریێن خوه یێن وه‌رزێ ئه‌ڤ ساله دخۆلا پلا نایابا عیراقێ وه‌كهه‌ڤبوویه ئه‌وژى ل گه‌ل یانێن نه‌فت ئه‌لجنوب و نه‌فت ل یاریگه‌ها خوه و ل گه‌ل یانا كاره‌با ژ ده‌رڤه‌ى یاریگه‌ها خوه .
هه‌ژى گوتنێ یه نزار مه‌حروس یێ 56 سالى دهێته هژمارتن ئێك ژ به‌رنیاسترین راهێنه‌ران ل سه‌ر ئاستێ وه‌لاتێ سوریا و سه‌رپه‌رشتیا چه‌ندین یانێن عه‌ره‌بى و سورى كریه ژ ئه‌وانان هه‌لبژارتیێ سوریا و یانێن جه‌یش و ئه‌لوحده یێن سورى و نه‌جران و حه‌زم یێن سعودى و هه‌تا و ئیمارات یێن ئیماراتى و جه‌زیره و به‌قعه و فه‌یسلى و شه‌باب ئوردون یێن ئوردونى و ئه‌لعهد و سه‌فا یێن لوبنانى و ل گه‌ل ئه‌وان یانان شیا چه‌ندین ده‌ستكه‌فتیا ب ده‌ستخوڤه بینت و ل وه‌رزێ 2012 -2013 ل گه‌ل یانا هه‌ولێرێ شیابوو ناسناڤێ خولا عیراقێ ب ده‌ستخوڤه توماربكه‌ت.
