هونەر كارەكە بۆ رێكخستنا مەژی
مووسا خالد
شێوەكار(سەحەر دلشاد) كو خەلكا پارێزگەها دهۆكێ یە و دەرچوویا پەیمانگەها هونەرێن جوانە، د دیدارەكێ دا گۆت: كارێ من یێ هونەری نە بەس ب پێنڤیسێ رساسی یان ڕەنگانە، بەلكو من ل سەر چەندین دیواران ژی وێنە چێكرینە، هەروەسا پەیكەر و دیكۆر ژی چێكرینە و دێ یا بەردەوامبم.
هەروەسا گۆت: د زاڕۆكینیێ دا من حەزژ چێكرنا وێنەیان دكر و دشێم بێژم دژیێ چار سالیێ دا ب هاریكاریا دایكا خۆ من خۆ فێركر و هەتا نوكە ئەو یا هاریكارە، بۆ زانین من گەلەك حەزژ كارێ خۆ كریە و پشكداری و دو سالان پشكداری د فێستیڤالا پەیمانگەهێ دا كریە، یا ئێكێ ل (2023) بوو، یا دویێ ژی ل (2026) بوو.
ل دووماهیێ گۆت: ئەز هونەری ب شێوازێ خۆ پێناسە دكەم كو هونەر كارەكە ژبۆ رێكخستنا پێگەهێن مێشكی، ئارامی و ئازادیێ و گەلەك جاران دشێت ئاریشەیێن زمانان چارە بكەت و هەر هونەرمەندەك دشێت دەربڕینێ ژ هەستێن خۆ بكەت، چ ب ڕیكا مۆزیكێ، یان شانۆیێ، یان وێنەیەكی بیت، بۆ زانین وێنەیێن من دجۆرا و جۆرن، وەك (سروشت، مرۆڤ، خەیال و ڕاستی) و ئەو وێنەیێن ئەز چێدكەم جاران بۆ كەیفێ جاران ژی بۆ خەمانە، نەخاسمە گەلەك ژوان ل سەر ژیانا من بووینە و جاران ژی ل دووف داخوازیان بووینە و پەیاما من ژبۆ خەلكی ئەوە كو هونەرێ مە بەرزە نەبیت و بهێتە پاراستن، چنكو پشكەكا گرنگە د ژیانا مەدا و دشێت هەر تشتەكی ئاڤا بكەت و هیڤیا من ئەوە چەندە وەلاتێ من پێشكەڤیت هونەرێ مەژی پێشكەفتی تر لێ بهێت و ئەز بۆ هەر داهێنانەكا نوو یا بەرهەڤم.
