هژماره‌كا تیرۆرستێن داعش هاتنه كوشتن و دەستەسەرکرن
ئەڤرۆ نیۆز،ئۆمێد وەلاتی:
ئه‌ڤرۆ دوشەمبی ٢٠١٧/١٠/٩ ل سنورێ میحوه‌رێ رۆژئاڤایێ كه‌ركوكێ هژماره‌كا تیرۆرستێن داعش ژلایێ هێزێن پێشمه‌رگه‌ی ڤه هاتنه كوشتن.
پشتی كو هژماره‌كا تیرۆرستان ڤیای خۆ نێزیكێ سه‌نگه‌رێن هێزێزن پێشمه‌رگه‌ی بكه‌ن ل سنورێ میحوه‌رێ ناڤبری هێزێن پێشمه‌رگەی شیان ٩ تیرۆرستان ب كوژن و ٣ یێن دیتر ژی ده‌سته‌سه‌ربكه‌ن.
ژێده‌ره‌كێ ژ هێزا پێشمه‌رگه‌ی ل وی سنوری بۆ مالپه‌رێ ئه‌ڤرۆ نیوز دا دیاركرن،کو ل ڤێ داویێ هژماره‌كا زۆرا خه‌لكێ ده‌ردورێن قه‌زا حه‌ویجه و ناڤا سه‌نته‌رێ وێ قه‌زایێ خوه راده‌ستی هێزێن پێشمه‌رگه‌ی دكه‌ن، چونكی وان باوه‌ری ب هێزێن له‌شكه‌رێ عێراقێ و حه‌شدا شه‌عبی نینه،له‌وما خۆ راده‌ستی هێزێن پێشمه‌رگه‌ی دكه‌ن دناف وی خه‌لكی دا تیرۆرستێن داعش ژی هه‌نه و هنده‌ك ژ وان خۆ راده‌ست دكه‌ن و هنده‌كان ژی دڤێت زیانێ بگه‌هیننه هێزێن پێشمه‌رگه‌ی لێ زۆربه‌یا وان ژلایێ پێشمه‌رگه‌ی ڤه دهێنه كوشتن یان ژی ده‌سته‌سه‌ركرن.
