هژماره‌كا خودانێن كێلگه‌هێن مریشكا ئیفلاس بووینه
هه‌ولێر، قائید میرۆ
به‌رپرسه‌كێ وه‌زاره‌تا چاندنێ دیاركر، هژماره‌كا خودانێن كێلگه‌هێن به‌رهه‌م ئینانا مریشكا ئیفلاس بووينه و حوكمه‌تێ پلان هه‌بوو حه‌فت ملیار دینارا وه‌كی قه‌ره‌بوو بده‌ته جووتیاران، به‌لێ قه‌یرانا دارایی نه‌هێلا.
دكتۆر عه‌باس عه‌لی، رێڤه‌به‌رێ گشتیێ ڤێتێرنه‌ری و سامانێن ئاژه‌لی ل حوكمه‌تا هه‌رێما كوردستانێ ب ئه‌ڤرۆ نیۆز راگه‌هاند” ب ئه‌گه‌رێ دۆرپێچا حوكمه‌تا به‌غدا بۆسه‌ر به‌رهه‌مێ هه‌رێما كوردستانێ، هژماره‌ك كێلگه‌هێن په‌له‌وه‌ری ئیفلاس بووینه و ئیدی ئه‌گه‌ر بازاڕ یێ هوسابیت دۆباره به‌رهه‌می نائینن و دێ ب ئێكجاری هێنه‌گرتن.
دكتۆر عه‌باسی گۆتژی” حوكمه‌تا هه‌رێمێ پلانه‌ك هه‌بوو پاره هاتبوو مه‌زاختن بۆ قه‌ره‌بووكرن و پشته‌ڤانیا كێلگه‌هێن به‌رهه‌م ئینانا مریشكا و حه‌فت ملیار دینار هاتبوونه مه‌زاختن، ژبه‌ر قه‌یرانا دارایی پاره نه‌گه‌هشته جوتیاران.
