هژمارەکا ئەندامێن پەرلەمانی داخوازیەکێ دکەن
ئەڤرۆ نیوز:
سەبارەت رێککەفتنا د ناڤبەرا ھەولێر و بەغدایێ دا ل دۆر مووچێن فەرمانبەران، ٣٨ پەرلەمانتارێن کوردستانێ بنڤسیارەکا فەرمی داخوازیەکێ ژ سەرۆکاتیا پەرلەمانێ کوردستانێ دکەن، وەکی دیارە دانەکا وێ نڤیسارێ گەھشتیە بەر دەستێن مە.
٣٨ پەرلەمانتارێن کوردستانێ ب نڤیسارا خۆیا فەرمی ژ سەرۆکاتیا پەرلەمانێ ھەرێما کوردستانێ دخوازن، پرسا گیرو بوونا مووچێ فەرمانبەرێن ھەرێما کوردستانێ و دانوستاندنێن د ناڤبەرا ھەولێر و بەغدایێ دا، د کۆمبوونا سوبەھی یا پەرلەمانی دا بھێنە بەحسکرن.
د ڤێ نڤیسارێ دا ناڤ و ئیمزایێن ٣٨ پەرلەمانتاران تێدا ھەنە، ب پشتەڤانیا ماددێ ٤٨ بڕگا چارێ یا پەیروەێ ناڤخویێ پەرلەمانێ کوردستانێ ھاتیە کرن، کو بڕگەکا تایبەت ب گیرو بوونا بەلاڤکرنا مووچێ فەرمانبەرێن ھەرێمێ و ئەگەرێن ھەرێمێ ل گەل بەغدایێ و پرسا رادەستکرنا پەترۆلا ھەرێمێ و داھاتی خالێن سنووری و وەرگرتنا مافێن دارایێن ھەرێمێ بھێنە گەنگەشەکرن.