هێشتا د جیهانێدا 40 ملیۆن مرۆڤ وه‌كو كۆیله‌یان دژین
ئەڤرۆ نیۆز،زنار تۆڤی:
ل دووڤ مالپەرێ فەرمی یێ (global slaveryin dex)،ل ژێر ناڤێ (كۆیله‌بوونا مۆدێرن) ڤەکۆلینەک ئه‌نجام دایە و ئاشكراکریە،کو د جیهانێدا 40.3 ملیۆن مرۆڤ وه‌كو (كۆیله‌یێن مۆدێرن) دژین،بۆ نمونه ئەوێن ب زۆری كار پێ دهێتە کرن و ب زۆری ددەنە شوو.
رێكخراوا مافێ مرۆڤی ل جیهانێ ئاشكراکریە،دڤێ رێژێ دا 24.9 ملیۆن مرۆڤ ب زۆری كار پێ دهێتە كرن،هەروەسا 15.4 ملیۆن ژی ب زۆری دهێنە شوودان،كو ئه‌ڤ هەردو دیارده د‌چنه ناڤ چارچۆڤێ (كۆیله‌بوونا مۆدێرن)، هه‌روه‌سا ژ ڤێ رێژێ 71% ژنن و 25% ژی زارۆکن.
هەروەسا ئه‌وێن ب زۆر دهێنە شوودان 37% ژ وان زارۆکن،کو ته‌مه‌نێ وان دبن 15 سالیێ و خوارتر دایە. ئه‌وێن د سێكته‌رێن تایبه‌ت ژی دا كار د‌كه‌ن دبنە 16 ملیۆن مرۆڤ،کو شێوێ مامه‌لەکرنێ ل گه‌ل وان دا وه‌كو كۆیله‌یانە و نه وە‌ك مرۆڤێن ئاسایی یە.
وەکو دیار كو ده‌ولەت ژی دبیتە هۆكارێ كۆیله‌بوونا مرۆڤان،چونكی د وێ ڤەکۆلینێ دا هاتیە ئاشكرا كرن کو 4.1 ملیۆن مرۆڤ ژ لایێ ده‌ولەتێن وان ڤە بووینە كۆیله.
