هێشتا چەپێن زرێزە نەهاتینە سەخبێریکرن
ئەڤرۆ نیوز ، زنار تۆڤی:
سەرەرای هندێ کو ئەڤە دەمەکێ درێژە چەپێن زرێره یێن سەر ب ناحیا باتیفا ڤە، خراب بووین و داچووین، لێ هێشتا پتریا وان چەپان نەهاتینە چێکرن و سەخبێریکرن، هەروەسا رۆژانە ئەو شۆفێر و خەلکێ هاتنوچوونێ ل وێ رێکێ را دکەن، گازندا ژ خرابیا وێ جادێ دکەن و دخوازن چەپێن زرێزه بهێنە چێکرن و سەخبێریکرن.
نەبیل شۆفێڕەکە رۆژانه هاتنوچوونێ د وێ رێکێ را دکەت بۆ ئەڤرۆ نیوز دبێژیت: چەپێن زرێزه گەلەک یێن خراب بووین و ل چەندین جهان جاده یا داچووی، لێ مخابن ئەڤە دەمەکێ درێژ ژی بوری و هێشتا ئەڤ رێکە نەهاتیە چێکرن، دیسان ئەم نەچارین هاتنوچوونێ د ڤێ رێکێ دا بکەین، ژبەرکو مە چو رێکێن دی نینن و ب تنێ مە ئەڤ رێکە یا هەی و ئەو ژی هێشتا یا پرە ژ کەندو کوران، لەوما دخوازین جهێن شۆلەژێ خەمەکێ ژڤێ جادێ بخۆن و ب زووترین دەم چێکەن.
