هەر كارەكێ ب زەحمەت بیت بارێ من سڤك دکەت
هەرهین محەمەد
هەردو سترانبێژێن گەنج (فاخر زۆبێر و دلاوەر سالح) ئەڤە بۆ دەمەك بوو مژوولی چێكرنا سترانەكا دوقۆلی نە ب ناڤێ (پەری) كو ژ پەیڤ و ئاواز (ئاكامۆ محەمەد) ی و دابەشكرنا مۆزیكێ (نەقشین شوكری) كو هەردو خەلكێ رۆژهەلاتێ كوردسنانێ نە، سیناریۆ (كاوار حەسەن) مۆنتێر و دەرهێنان ژێهات پرۆدەكشن و لوكەیشن (یونی بۆكس) ستودیۆ و گرۆپێ دەواتان ئەربیل فۆلكلۆر گرۆپ و ئەڤ كلیپە ئەڤە بۆ دەمێ چەند رۆژایە هاتیە بەلاڤكرن.
فاخری گۆت: هەموو جاران من و برایێ خوە رێواری پێكڤە كارێن هونەری دكرن وەكو كلیپ و ستران و ئەڤ جارە من هزركر كارەكی ل گەل خزمێ خوە بكەم، چونكو من ڤیا جوداهیی بێخمە كاری خوە یێ ئەڤ جارە و من و دلاوەری ئەڤ سترانە پێكڤە گۆتیە ب زاراڤێ كرمانجی و هەردیسان بۆ ئەڤی كاری و هەموو كارێن من یێن هونەری كورێ مامێ من كاوار رێڤەبەرێ بەرنامەیێن من یێن هونەری یە و دهەموو كاران دا ئەو گەلەك پشتەڤان و هاریكارێ منە و ئەو گەلەك ب كارێن من ڤە ماندی دبیت و هەركارەكی من یێ ب زەحمەت بیت ئەو ب ساناهی دئێخیت و گەلەك بارێ من سڤك كریە.
