هەیبەتا داعش ل كوبانێ هاتە شكاندن
ديدار، سالار محةمةد دؤسكى:
2-5
جەنابێ سەرۆك (مەسعود بارزانی) دێ ل گەل تە ئاخفت و كارەكێ ب تەهەی و جەنابی سەرۆكی گۆت: تو ل كیڤەی ؟ من گۆتێ ئەزبەنی ل دهۆكم دێ سەرەدانا بریندارا دەم، جەنابێ وی فەرمان دا و گۆت ئێكسەر وەرە دێ سوباهی چیە كوبانێ و دێ سەرپەرشتیا پێشمەرگەی كەی ل باژیرێ کوبانێ و ئێكسەر چوومە هەولێرێ و مە بەرهەڤی كرن و (60) ترۆمبێل مە تژی چەككرن و هەر تشتەكێ پێدڤی و گەلەك (عتاد) مە بر و جورێن توپا مە ل گەل خوە برن و چەندین دوشك و هەر تشتەكێ بزانین برایێن مە ل رۆژئاڤا كوردستانێ پێدڤی پێ هەیە مە ل گەل خوە هەلگرت و بەری دەست ب چوونا خوە بكەین مە چەندین كۆمبوون ل گەل هێزێن هەوپەیمان ئەنجام دان و جەنابێ سەرۆك (مەسعود بارزانی) فەرمان دا سەرپەرشتی یا وێ هێزا پێشمەرگەی بكەم و گۆت ئەگەر تو بچی دێ سەركەفتێ ئینین و جەنابێ سەرۆكی گۆت هوون هەمی دێ شەهیدبن بەلێ ناڤێ هەوە دێ مینت هەتا هەتایێ و من گۆتێ سەرچاڤا و ل گەل جەنابێ وەزیرێ پێشمەرگەی مە (170) پێشمەرگە ژ هێزێن وەزارەتا پێشمەرگەی و هەر دو یەكیێن تایبەت پارتی دیموكراتی كوردستان و ئێكەتی نشتیمانی كوردستان مە بەرهەفكرن و هەمی بەرهەڤی هاتنەكرن و مە خوە كرە دو جین كو 28/10/ دێ لڤینێن مە دەست پێ كەن و(82) كەس هاتنە راسپاردن كو ب ترۆمبێلان بچن و ئەم ئەڤێن مای ب فرۆكا بچین دا بەری ڤێ هێزا پێشمەرگەی بگەهینە دەڤەرێ و بەرهەڤی بوو بهێنەكرن و سپێدێ 28/10 ئەو وەجبا هاتیە راسپاردن ب ترۆمبێلا بچن ب رێكەفتن و رێكا دو دەمژمێران هێزا مە نێزیكی (10) دەمژمێران بڕی و هەتا گەهشتی و خەلكی رێك نەدا و گەلەك كەیفا خەلكێ مە هات و دناڤا ئاخا تركیا ژی هەر ژ جزیرا هەتا سەر سنوری خەلك هاتنە سەر جادا چونكە تشتەكێ گەلەك مەزن بوو و هێزا پێشمەرگەی سنورێن سێ وەلاتان برین ئەو ژی (ئیراق، توركیا، سوریا) و نە تشتەكێ بچوویك بوو وی دەمی پێشمەركەیێ كوردستانێ ب فەرمانا جەنابێ سەرۆك (مەسعود بارزانی ) بكەت.
فەریق عەبدوالقهار دۆسكی گۆت: هەمان رۆژ ئەم دەمژمێر 10ی شەڤ ل فرۆكخانێ ب فرۆكەكێ چووین و ل باژێرێ (ئورفا)یێ یێ توركیا هاتینە خوار و ترۆمبێلێن جام گرتی ب ساناهی بوومە ئینان و ترۆمبێل ئێكسەر ب فرۆكێ ڤەنان و گۆت سواربن و نێزیكی (80) پێشمەرگە و ئەفسەران بووین و ئەم سواری ئەوا ترۆمبێلا بووین و ئەم گەهشتینە (سرج) چووینە دمە عسكەرەكێ توركی ڤە هەمی هول بوون و هەمی یێ سیمەكری بوو و كاودانێن مە گەلك نەخوش بوون و بهێنا مە تەنگ بوو و وەرگێرەك ل گەل مەبوو و ئەو ژی ئەفسەرەكێ توركی بوو لێ زمانێ كوردی دزانی و پێشتر چەندین سال بوو ل كوردستانێ ژیا بوو و من گۆتێ وەرە ئەڤە زیندانە و هەر پێشمەرگەكێ بچیتە دەست ئاڤەكێ دڤێت جەدرمەك ل گەل بچیت و من گۆتێ قەبوول ناكەین، گۆت ئەڤە نەب مەیە و فەرمان بوومە هاتیە و كاودانێن مە گەلەك دنەخوش بوون و هێشتا هێزێن مە نەگەهشتینە دەڤەرێ و خەلكی گەلەك قەرەبالغ دروست كربوو و نەدهێلا ترۆمبێلێن وا بهێن و ئەم ماین وێ شەڤێ چووینە هولا ڤە و بارنەكا زور دهات سپێدێ هەمی هێزێن مە گەهشتن و هەر هەمی من كومكرن و هەمان سەردەری یا پێشتر هێزێن توركیا ل گەل مەكر و سەردەریەكا نەخوش و بهێنا مە تەنگ بوو، وی دەمی دو ئەندامێن پەرلەمانێ توركیا سەر ب فراكسیوونا HDP سەر ب (صەلاح الدین دەمیرداشی)ڤە ب رێكەكێ بوومن تێلەفونەك ئینا بێی كو ئێك بزانیت و ئێكسەر من ل گەل جەنابێ (مەسرور بارزانی) ئاخفت و جەنابێ وی گۆت جەنابێ لیوای سەرۆك بارزانی گەلەكێ عاجزە و چ دەنگ و باسێن هەوە نوزانیت و من بابەت بگشتی بۆ جەنابێ (مەسرور بارزانی ) شرۆڤەكر و جەنابێ وی گۆت بهێنا خوە فرهـ بكەن و هەمی بزاڤا بكەن زووی بچنە دناڤ ئاخا سوریێ دا چونكە یەپەكێ چ هێز نەمایە و گەلەك یا تەنگاڤە و هەمی بزاڤا بكەن زووی ڤێرا بگەهن دا كوبانێ نە كەڤیتە دەستێ داعش دا و من گۆتێ دبەرهەڤین لێ گەلەك گڤاشتن یێ ل مە دهێنەكرن، جەنابێ وی گۆت نوكە دێ بەرهەڤی یا كەم، پشتی ماوەكێ كێم ئەو هێزا توركی هەمی ژ وێرێ چوون و ئەم ب ئازادی هاتن و چووین و من گۆتە وەرگێری ئەڤە چ بوو؟ وەرگێری گۆت جەنابێ سەرۆك (مەسعود بارزانی) ل گەل بەرپرسێن بلندێن توركیا ئاخفت و فەرمان ژ (ئەنقرە) هات و كاودانێن مە ب ئێكجاری هاتنە گوهورین و ئێدی ب سەربەست مە هاتن و چوون كر..
فەریق عەبدوالقهار دۆسكی زێدەتر گۆت: ل گەل چوونا مە بۆ كوبانێ جەنابێ سەرۆك (مەسعود بارزانی) گۆت گوهداری یا كەسەكێ نەكە وێ بكە یا دبەرژوەندا هەوە و یا باش و تو بەرپرسی ژ ئەڤێ هێزێ، فەریق عەبدوالقهار دۆسكی گۆتژی: من نەدڤیا ئەڤێ هێزێ هەمیێ ئێكسەر ببمە دناف كوبانێ دا و لەوما من داخاز كر سەرەدانا سنوری بكەم و ئەوا رێكا ببینم ئەوێن هێزێن پێشمەرگەی دێ چنە دناز ئاخا كوبانێ دا و دیسا من داخاز كر بچمە دناف ئاخا كوبانێ دا بزانم هەر جهەكی چ چەك بدانمێ دا بشێم شەری بكەم چونكە پلانا توپخانێ یە و هەر ئێك كارێ خوە دزانیت و نێزیكی هەشت ئەفسەرێن پێشمەرگەی ژ هێزا مە من ژێگرتن و من گۆتێ دێ ئەف شەڤە چمە نار باژێرێ كوبانێ و دێ زڤرین دا زویكا هێزا مە بچیتە دنار كوبانێ، بەرپرسێ لەشكەری یێ توركیا ل دەڤەرێ كومبوونەك ل گەل من كر و من گۆتێ دێ سەرەدانا ڤی جهی كەم و دووڤ دا دێ هێزا خوە بەم و دڤێت سەرەدانا دەڤەرێ بكەم دا ل سەر جهێن شەری یێ ئاگەهدار بكەم كا سەنگەرێن پێشمەرگەی كیڤە بدانم و دوژمن ل كیڤە یە وی بەرپرسێ لەشكری سێ (ناقیلە) دانە ل گەل مە و یا بەری مە بۆ بەرەڤانیا مە هاتبوو راسپاردن و یا دووێ ئەم تێدا بووین و ئێك دووڤ مە دا دهات و ئەم چووینە بەرامبەر وی دەرگەهێ دچیتە كوبانێ دا وێ دەڤەرێ جهەكێ لەشكریێ توركیا لێ بوو و ئەو نەهاتنە خوار من گۆتێ ئەز دێ هێمە خوار و من پەیوەندی ل گەل وەزیرێ لەشكریێ یەپەكێ هەبوو ل كوبانێ دگۆتنێ (شێخ عسمەت) من پەیوەندی پێكر كو ئەڤە هاتم و من داخواز كر هندەك بهێنە بەراهی یا مە هاتا بهێنە دناڤ ئاخا سوریێ دا و كوبانێ گۆت بلا و توركیا ئەم داناین و گۆت نێزیكی (100) مەترا داعش یا دویری دەرگەهی یە و گۆت ئەم ناهێین و دەرگەهـ هاتە ڤەكرن و من دیت چەند هەڤالێن یەپەكێ هاتینە بەراهی یا مە وهەمی یا ئەم ماچی كرین و چەند بریندار هەبوون و سێلان بۆ ب پەرجانی ڤە هاتبوونەگرێدان، شەرڤانا گۆت توركیا ناهێلین ئەم ڤان برینداران دەرباز بكەین و رەوانەی نەخوشخانا ئورفایێ بكەین.
