هەیبەتا داعش ل كوبانێ هاتە شكاندن
ديدار، سالار محةمةد دؤسكى:
1 – 5
فەرماندێ گشتیێ هێزێن پێشمەرگێ كوردستانێ یێ سەرپەرشت د ئازادكرنا باژێرێ كوبانێ دا رۆژئاڤا كوردستانێ، د دیدارەكا رۆژنامەڤانی دا بەحسێ چوونا پێشمەرگەیێ كوردستانێ دكەت بۆ وی باژێری كو ب بریارا جەنابێ سەرۆك (مەسعود بارزانی) پشكدار بوون و ماوەكێ گەلەك كێم دا شیان هەیبەتا رێكخراوا تیرورستی یا داعش بشكێنن و ب سەركەفتیانە ڤەگەرنە هەرێما كوردستانێ.
فەریق، عەبدولقهار مەجید حاجی، یێ بەرنیاس ب فەریق عەبدوالقهار دۆسكی، ژ دایك بوویێ سالا 1961 یە ل گوندێ خازیاڤا ل دەڤەرا دۆسكیا، ل سالا 1968 دەست ب خواندنا سەرەتایی كریە ل سالا 1974 دەست ژ قوتابخانێ بەردا و سالا 1975 دووبارە دەست ب خواندنێ كر ل دواناڤنجیێن (برایەتی و هەوكاری) دووڤ دا چوو ئامادەیا پیشەسازی و ب سەركەفتیا نە دەربازكر و دووڤ دا ل پەیمانگەهێ ل پارێزگەها (بەسرا) هاتە وەرگرتن لێ پشتی پەیوەندیێ دەست ژێ بەردا، ل سالا 1981 ل كولیژا لەشكری ل بەغدا هاتە وەرگرتن، ل سالا 1982 پشكداری خولەكا توپخانێ كر و پشتی هەشت هەیڤان ب پلا مولازم دەرچوو، چونكە وی دەمی شەرێ دناڤبەرا ئیراق و ئیرانێ بوویە ماوێ هەشت سالان ل سنورێن پارێزگەهێن (میسان، بەسرا و كوت) پشكداری وی شەری بوویە و هەتا سالا 1989ێ و سێ جاران وی شەری دا بریندار بوویە و ل سالا 1990 پشكداری د داگیركرنا وەلاتێ كوێتێ دا كریە و پشتی چەند هەیڤان قەستا پارێزگەها دهۆكێ كر و ل سالا 1991 پشكداری ل سەرهلدانا باژێرێ دهۆكێ دا كر وی دەمی ل گەل (11) ئەفسەرێن كورد پەیوەندی ب ناف رێزێن پارتی دیموراكراتی كوردستان كر و لەشكر هاتە دروستكرن وی دەمی بوو جێگرێ لەشكری و بەرپرسێ كارگێریێ لەشكری ل پارێزگەها دهۆكێ.
فەریق عەبدوالقهار دۆسكی، د دیدارەكێ دا ل گەل بەرپرێ دیرۆك ل رۆژناما ئەڤرۆ گۆت: ب نڤیسارەكێ من داخاز كر توپخانێ بۆ پارتی دیموكراتی كوردستان دروست بكەم و چەند ئەفسەر من كومكرن و جەنابێ فەریق (بابكەر زێباری) وی دەمی گۆت ئەگەر بشێی (بەتاریەكێ) بوومە دروست بكەی دێ گەلەك باش بیت، رابووم ب دروستكرنا (بەتاریەكێ) ل تاخێ گرێ باسێ ل نێزیك (تانكا) ب رێكا وێ (بەتاریێ) مە ئسنادا پارتی دیموكراتی كوردستان بگشتی دكر و هاتنە بەلاڤەكرن ل دەڤەرێ هەتا سالا 1995ێ ب فەرمانا جەنابێ سەرۆك (مەسعود بارزانی) و كاك (نێچیرڤان بارزانی) هاتمەدانان وەك جێگرێ سوپایێ سپیلكی هەتا 2000ێ بەردەوام بووم، ل هەمان سالا بوومە بەرپرسێ گشتیێ توپخانێ وی دەمی ب پلا عەقید بووم و وی دەمی نێزیكی حەفت هەشت (بەتاریێن) دی مە دروستكرن و راهێنان هەر تشتەك مە سەرپەرشتی لێ دكر، ل گەل كەتنا رژێما بەعس ل سالا 2003 بوومە جێگرێ سوپایێ زێرەڤانیێ ل ناحیا ئەترووش و دووڤ دا زڤریمە ئامر توپخانێ یێ گشتی ئانكو یێ پارتی دیموكراتی كوردستان، جەنابێ سەرۆك (مەسعود بارزانی) پلەك دام ژ عەقید بوومە عەمید و دووڤ دا ل سالا 2008 پلا لیوا من وەرگرت و كەتیب وتوپخانە بوونە سەر ب (شێخ سیهاد بارزانی) ڤە و ئەو بوو بەرپرسێ فەرماندێ و بوومە بەرپرسێ توپخانێ ل پارێزگەها دهۆك و سەر ب (شێخ سیهاد)ڤە و ل دەمێ شەرێ داعش ژ دەڤەرا (گوێر) هەتا (شنگال) جەنابێ شێخ سیهاد بارزانی كربوومە بەرپرسێ توپخانێ و مە بەرەڤانی ژ هەمی دەڤەرێ دكر وەك پشتەڤانیا هێزێن پیادەیێن پێشمەرگێ كوردستانێ، ل سالا 2014 دەمێ داعش ب هێز بوو وی دەمی جەنابێ سەرۆك (مەسعود بارزانی) (نوری مالكی) سەرۆك وەزیرێن ئیراقێ یێ وی دەمی ل سەر مەترسیا داعش ئاگەهدار كر كو لڤین و هێزا وێ ل دەڤەرێ یا خورت بیت لێ سەرۆك وەزیرێن ئیراقێ وی سەر دەمی (نوری مالكی) ب چ ڤە نە وەرگرت، ئەو بوو چەند پارێزگەهێن ناڤەراست ل ئیراقێ و چەند پارێزگە ل سوریێ كەفتنە دەستێ داعش و رۆژ بۆ رۆژێ چەكدارێن وێ بەرەف زێدەبوونێ چوون و گەلەك چەكێ گران كەفتە دەستێ وان و گەلەك جها هێرش كر و هزر كر ئەو جهێن عەرەبا ب ساناهی وەرگرتین دێ جهێن كوردان ژی ب ساناهی وەرگرن و مە شەرەكێ گەلەك مەزن ل گەر كر و دووڤ دا ژ سنورێ قامشلی هەتا كوبانێ كەفت بوو دەستێ داعش و بتنێ كوبانێ 15% مابوو و گاڤ بۆ گاڤێ داعش سەنگ و جهێ خوە ل كوبانێ ژی موكمتر لێ دكر، ئەو بوو یەپەكێ داخاز ژ جەنابێ سەرۆك (مەسعود بارزانی) كر كو هاریكاری یا وان بكەن چونكە ب كەتنا كوبانێ كەتنا دەڤەرێ بگشتی یە، دووڤ دا پەرلەمانێ كوردستانێ فەرمان دا هێزەكا پێشمەرگەی تەوارا كوردێن رۆژئاڤا ل باژێرێ كوبانێ بچیت و جەنابێ سەرۆك (مەسعود بارزانی) ژ هێزێن هەوپەیمانان خواست هاریكاربن ل گەل خەلكێ كوبانێ و پشتەڤانێن هێزێن پێشمەرگەیێ كوردستانێ بن سەخمراتی پاراستنا گیانێ وی خەلكێ وی باژێری دژیت.
فەریق عەبدوالقهار دۆسكی، بەحسێ چوونا هێزێن پێشمەرگەیێ كوردستانێ دكەت بۆ رۆژئاڤا كوردستانێ و تایبەت كوبانێ و گۆت: وی دەمی ل شەرێ داعش بوو و ئەز ل سەنگەرێن شەری بووم و ئەو دو هەیڤ بوو نەهاتبوومە دەستیردانێ و چەند شەهید و بریندار مە هەبوون و جەنابێ (شێخ سیهاد) بارزانی فەرمان دا سەرەدانا بریندارا بكەم پێش جەنابێ وی ڤە و هێشتا درێكێ دابووم كو سەرەدانا برینداران بكەم، ژ نیشكەكێ ڤە فەریق (شێروان) پەیوەندی ب من كر و گۆت:
