واریۆرز نمرەک وەکھەڤ لێکر
ب، ئەڤرۆ نیوز:
یانا گۆلدن ستەیت واریۆرز شیا نمرەکا پیڤای یا سەرکەفتنێن ل دووڤ ئێک بشکێنیت پشتی شیای دوھی سەرکەفتنێ ل سەر دنڤەر ناگێتس توماربکەت ب ئەنجامێ ١١٨_١٠٥ خالان د چارچوڤێ یاریێن خولا ئەمریکا یا باسکت بۆلێ بۆ یانێن پیشەکار.
ئەڤ سەرکەفتنە د بیتە یا پازدێ ل دووڤ ئێک یانا گۆلدن ستەیت واریۆرز دەستخوە ڤە دئینت د خولا ئەمریکا یا باسکت بۆلێ کو بەری نوکە ئەڤ نمرە ب ناڤێ ھەردو یانێن ھیوستن روکێتس و واشنتون ویزارز بون.
یاریا بھێت یا یانا گۆلدن ستەیت واریۆرز دێ ھەمبەر لوس ئەنجلوس لێکەرز بیت و ئەگەر ئەڤێ یاریێ دا شیا سەرکەفتنێ تومار بکەت دێ یانا گۆلدن ستەیت ب سەرکێشیا ستێرا خوە یا گەنج ستیڤن کروی بیتە یانا ئێکێ ل سەر ئاستێ باسکا ئەمریکا یا پیشەکار دشێت ڤێ نمرێ دەستخوە بینیت.
