وه‌زاره‌تا دارایی و ئابووری: هەیڤانە 350 ملیۆن دینار بۆ گەنجینا حوکمەتێ ڤەدگەرن
ئەڤرۆ نیوز:
وه‌زاره‌تا دارایی و ئابووری یا هه‌رێمێ راگه‌هاند: د چارچوڤێ جێبه‌جێكرنا پرۆژه قانوونا چاكسازیێ، ب دیار كری ژی ل مادێ 16 و برگا دویێ یا قانوونا چاكسازیێ كو تایبه‌تمه‌نده ب خانه‌نشینیێ ڤە، رێڤه‌به‌ریا گشتی یا خانه‌نشینیێ یا سه‌ر ب وه‌زاره‌تا دارایی و ئابووری ڤە، شیاینه هەیڤانه نێزیكی 350 ملیۆن دیناران ڤه‌گه‌ریننه گەنجینا حوکمه‌تا هه‌رێما كوردستانێ.
وه‌زاره‌تا دارایی دیارکریە ژی، د مادێ 16 و برگا دویێ ژ قانوونا چاكسازیێ به‌حسێ هندێ دهێته‌كرن كو كاری ب چ ده‌قه‌كا قانوونی یان بریاره‌كا ناكوك ل گه‌ل حكومێن ڤێ قانوونێ دا نه‌هێـه‌كرن، هه‌لوه‌شاندنا قانوونا خانه‌نشینیا خودان وه‌زیفه‌یێن بلندێن هه‌رێما كوردستانێ-عیراق یا هژماره (36) یا سالا 2004 و جێبه‌جێكرنا قانوونا چاكسازیێ ب سه‌روان دا”.
