وه‌زاره‌تا سامانێن سرۆشتى رازیبوو
ئه‌ڤرۆنیۆز، سالار دۆسكى:
سه‌رۆكێ لژنا سامانێن سرۆشتى ل جڤاتا پارێزگه‌ها دهۆكێ دیاركر ب مه‌ره‌ما دیتنا چاره‌كێ و زانینا ئه‌گه‌رێن چێبوونا قه‌یرانا پانزینێ ل كوردستانێ، سه‌رۆكێن لژنێن پانزین و گازێ ل هه‌موو پارێزگه‌هێن كوردستانێ، ل گه‌ل لژنا سامانێن سروشتى ل په‌رله‌مانێ كوردستانێ كومبوونه‌ك ل گه‌ل وه‌زاره‌تا سامانێن سرۆشتى كریه.
عه‌بدوسه‌مه‌د تێلى زێده‌تر بۆ مالپه‌رێ ئه‌ڤرۆ نیۆز گۆت: د كومبوونێ دا ئاشكراكرا بوو كو وه‌زاره‌ت یا كاره‌كێ به‌رفره‌ه ئانجام د ده‌ت، ئینانا ده‌را په‌ترۆل و فرۆتن و گرێدانا گرێبه‌ستان و هه‌تا دگه‌هیته فرۆتن و هه‌ڤركى ل گه‌ل به‌غدا و هه‌تا دابه‌شكرنا په‌ترۆل و پانزینێ ل سه‌ر خه‌لكێ كوردستانێ و سه‌مونخانان، پشتى كومبوونێ گه‌هشتینه وێ باوه‌ریێ كو ئه‌ڤه كاره‌كێ مه‌زنه و ب وه‌زاره‌تێ ڤه بتنێ ناهێت.
هێشتا گۆت: مه‌رجێن وه‌زاره‌تێ بۆ ئینانا پانزینێ داناین گه‌له‌ك ب زه‌حمه‌ت و قورسن و بتنێ سێ هه‌تا چار كومپانى دشێن ئه‌ڤان مه‌رجان بجه بینن، مه خواست ئه‌ڤ مه‌رجێن گران رابن و سنورێن هه‌رێمێ كونترول ل سه‌ر ئینانا پانزینێ هه‌بیت، رێژه ل سه‌ر كومپانیا نه‌هێته سه‌پاندن به‌لكو كوالێتى ل سه‌ر بهێته سه‌پاندن.
عه‌بدو سه‌مه‌د تێلى گۆت: وه‌زاره‌تێ ئاشكراكریه كو به‌ر ب هندێ دچن ده‌ستهه‌لات بۆ پارێزگه‌ها بهێته شوركرن و رازیبوون ل سه‌ر پێشنیارێن كومبوونێ دیاركریه و دیسان نڤیساره‌ك بۆ ئه‌نجوومه‌نێ بلندێ هه‌رێمێ یێ په‌ترۆلێ دێ بلند كه‌ن و دهێته هنارتن بۆ په‌رله‌مانێ كوردستانێ و ب قانوون ئه‌ڤ ده‌ست هه‌لاته دێ بۆ پارێزگه‌هان هێنه‌دان.