وه‌زاره‌تا چاندنێ دێ پێنگاڤەکا نوو بۆ فرۆتنا به‌رهه‌مێ پتاتان گریته‌به‌ر
ئەڤرۆ نیوز:
ل ژێر چاڤدێریا وه‌زاره‌تا چاندنێ و ژێدەرێن ئاڤێ گرێبه‌ست دناڤبەرا كارگه‌هێن جبسێن پتاتان و وان جوتیارێن پتاتان دچینن هاتە کرن، بۆ كرینا به‌رهه‌مێ پتاتان و خولێن راهێنانێ دێ بۆ جوتیاران هێنە ڤەکرن.
ببێگه‌رد تاله‌بانی، وه‌زیرا چاندنێ و ژێدەرێن ئاڤێ سه‌رپه‌رشتیا كۆمبونه‌کا كارگه‌هێن جپسێن پتاتان و نوونه‌رێن جوتیارێن پتاتان كر.
د وێ كۆمبوونێ دا گوتۆبێژ هاتە کرن، ل سه‌ر ئینانا جۆرێن باش یێن پتاتێ چاندنێ بۆ هندێ جوتیاران بچینن و كارگه‌هـ ژێ بكرن، هه‌روه‌سا گرێبه‌ستەکا قانوونی دناڤبەرا كارگه‌هان و جوتیارێن پتاتان دێ هێتە کرن بۆ هندێ كارگه‌هـ به‌رهه‌مێن جوتیاران بكڕن، وه‌زاره‌تا چاندنێ و ژێدەرێن ئاڤێ دێ سه‌رپه‌رشتا وێ گرێبه‌ستێ کەت بۆ هندێ هه‌ردولا پابه‌ندبن ب وێ گرێبه‌ستێ.
گوتۆبێژ هاتە کرن ل سه‌ر دەمێ دانانا باجا گومرگی ل سه‌ر ئینانا پتاتان، دەم و کۆژمێ باجێ ل دەف جۆتیارێن یێ پەسەند بوو، بریار هاتەدان هه‌ماهه‌نگی د به‌رده‌وامبن بۆ ساخكرنا به‌رهه‌مێ نافخۆیی.
هەروەسا گۆتیە، هه‌ر د وێ كۆمبوونێ دا بڕیار هاتەدان بۆ ڤەكرنا خولێن راهێنانێ بۆ وان جوتیارێن پتاتان دچینن و وەرگرتنا زانیاریان ل سه‌ر به‌رهه‌مئیانا وان.
