وه‌زيرێ په‌ترۆلا عيراقێ يێ ل كه‌ركووك
ئه‌ڤرۆ نيوز:
عادل عه‌بدولمه‌هدى وه‌زيرێ په‌ترۆلا عيراقێ نوكه يێ ل كه‌ركووك ب مه‌ره‌ما زانينا رێژا به‌رهه‌مئينانا په‌ترۆلا وێ پارێزگه‌هێ و بڕياره ل گه‌ل پارێزگارێ كه‌ركووك كۆم بيت و پاشان ژى سه‌ره‌دانا كۆمپانيا په‌ترۆلا باكوور بكه‌ت.
پشتى رێكه‌فتنا ناڤبه‌را هه‌ولێر و به‌غدا، دڤێت هه‌ولێر ژبلى 250 هزار به‌رميلێن په‌ترۆلێ ژ هه‌رێما كوردستانێ، 300 هزار به‌رميلێن په‌ترۆلا كه‌ركووك ژى ب رێيا بۆريێن هه‌رێما كوردستانێ بۆ به‌غدا ب هنێريت، به‌لێ وه‌كو به‌رى نوكه به‌حس لێكرى، ژ لايێ ته‌كنيكى ڤه هێشتا يا مايى و پێدڤيه كار ل سه‌ر بهێته كرن هه‌تا ئه‌و رێكه‌فتن ب كه‌ڤيته وارێ بجهئينانێ.
