وه‌زیرا باژێرڤانیێ هوورده‌كاریێن به‌لاڤكرنا پارچێن ئه‌ردى ئاشكرا دكه‌ت
ئه‌ڤرۆ نیوز:زه‌رى نه‌وزاد:
وه‌زیرا باژێرڤانى و گه‌شت و گوزارێ ئاشكرا دكه‌ت كو وان پێشنیاز كریه ل ناڤا باژێرى پارچه زه‌ڤیێن 150 مه‌ترى و ل قه‌زایان یێن 200 مترى بهێنه دابه‌شكرن، و ته‌كه‌ز كر كو هه‌ر كه‌سه‌كێ به‌رى نوكه مفادار بیت ژ پارچه زه‌ڤیێ ڤێجارێ دێ ژێ هێته وه‌رگرتن .
نه‌وروز مه‌ولود دیار دكه‌ت كو 296هزار و392 كه‌سا فورما وه‌رگرتنا پارچه زه‌ڤیان تژى كریه و و ژ ڤێ ژمارێ 55 هزرا كه‌س كرێدارن و گوت(بو ئه‌ڤێن ئاگه‌هدارى تژیكرنا فورمان نه‌بوین موله‌ت حه‌تا 15 روژێن دى هه‌یه كو بچن سه‌ره‌دانا كومه‌لا كرێداران بكه‌ن و فورما تژى بكه‌ن ).
د دیداره‌كێ دا وه‌زیرا باژێرڤانیێ بو رووداو دیاركریه‌ژى كه‌س نه‌شێت پارچه زه‌ڤیا خوه بفروشیت پشتى كو وه‌ردگرت هه‌تا كو نه‌كه‌ته خانى.
