وه‌زیرێ به‌رگریا توركیا: مە شەر ل گەل رووسیا نەڤێت
ئەڤرۆ نیوز:
وەزیڕێ بەرگریا تورکیا دیار کر: مە روو ب ڕووبوونا سه‌ربازی ل گه‌ل رووسیا نەڤێت، لێ ئه‌گه‌ر پێدڤی بكەت دێ هێزێ ب كار ئینین بۆ هندێ داکو ئاگربه‌ست ل ئدلبێ هەبیت.
خولوسی ئاكار، وه‌زیرێ به‌رگریا توركیا بۆ میدیایێن وەلاتێ خوە راگه‌هاند، به‌رده‌وامین ل سەر هنارتنا هێزان بۆ سووریا، ئه‌گه‌ر پێدڤی بكەت دێ هێزێ ب كار ئینین بۆ ڤەگه‌ڕاندنا ئاگربه‌ستێ بۆ ئدلبێ، ئەم درژدین ل گرتنه‌به‌را ڤێ سیاسه‌تێ، بۆ ڤێ ژی مە پلانێن ئه‌ی و بی و سی هەنە.
گۆتیە ژی، به‌رده‌وامبوونا هێرشێن سووریێ دێ بیتە رێگه‌خۆشكه‌ر بۆ هاتنا شه‌پۆلەکا نوو یا كۆچبه‌ران به‌ره‌ف سنۆرێن توركیا، هەروەسا گۆت ژی، هەتاکو سووریا سه‌قامگیر نەبیت، دستۆرەکێ نوو دهێتە دارێژتن، حوکمه‌تەکا دیموكراسی ب رێیا هه‌ڵبژارتنان ده‌ست ب كار دبیت و ئاشتی به‌رقه‌رار دبیت، ئەم هێزێن خوە ژ ئاخا سووریێ ڤەناکێشین.
وەزارەتا بەرگریا رووسیا داخواز ژ تورکیا کربوو، کو پاڵپشتیا تیرۆریستان راوەستینیت، و راگەهاندبوو کو فڕۆکێن تورکیا ئەو گرووپە کربوونە ئارمانج یێن و کو ژ ئالیێ تورکیا ڤە پاڵپشتی لێ دهێتە کرن، لێ خولوسی ئاكار دبێژیت، ب چ رەنگان مە نیەت و مه‌به‌ستا روو ب رووبوونا سه‌ربازی ل دژی رووسیا نییه، دیسان دیدار و كۆمبوون ژی نه‌گه‌هشتینه بنبرکرنێ و ل سه‌ر هه‌موو ئاستان دێ به‌رده‌وام بین.
