وه‌لاتيه‌كێ خه‌تارێ ل به‌غدا دهێته كوشتن
كەسەكێ ئێزدی یێ كومەلگەها خەتارێ ل بەغدا دهێتە كوشتن
ئەڤرۆ نیوز،بارزان مزووری:
داوود خەتاری،چالاكڤان و ڤەكولەرێ ئێزدی ل كومەلگەها خەتارێ بۆ ئەڤرۆ نیوز گوت:ئەڤرۆ پێنجشه‌مبى 13/6/2019 ل رێكا سەعدوون ل باژێرێ بەغدا كوگەهەكا جهەكێ فروتنا ڤەخوارنێن مه‌يێ یا وەلاتیەكێ ئێزدی یێ كومەلگەها خەتارێ سەر ب قەزا شێخان ڤە ب ناڤێ “زیاد شێخ سیسۆ” د پەقیت د ئەنجام دا زیاد دهێته كوشتن و كورێ وی ژی قورتال دبیت.
ناڤهاتی خویاكر ل دووڤ پێزانينێن دەستپێكێ ئه‌و بۆمبه دوهی مەغرەب هاتبوو دانان ژلایێ هندەك چەكدارێن نەنیاس ڤەوهاتبوو ته‌وقيتكرن كو ل سپێدێ دپەقیت و “زیاد شێخ سیسۆ” دگەل كورێ خۆ ل كوگەهێ دنڤستن و ئەڤە چەندین سالە كارێ وان ل بەغدایە.
گوت ژى، تەرمێ وی بۆ كومەلگەها خەتارێ هاتيه ڤەگوهاستن ژبەركۆ مالا وی ل وێرێ یە و دڤێ هەیڤێ دا ئەڤە دووەم كەسێ ئێزدی یە ژ كومەلگەها خەتارێ ژلایێ چەكدارێن نەنیاس ڤە ل به‌غدا دهێته كوشتن.
