وه‌لاتیه‌ك خه‌ندقى
ئه‌ڤرۆ نیوز، نه‌وزاد هلۆرى:
ب مه‌ره‌ما ده‌ستڤه‌ئینانا گژ و گیای ، هژماره‌كا وه‌لاتیان قه‌ستا چیایێ دینو ل سنوورێ قه‌زا چومان كر، ژ ئه‌گه‌رێ نه‌شاره‌زایێ ئێك ژ وان وه‌لاتیان ل رووباره‌كێ نێزیك چیایێ هه‌لگورد خه‌ندقيت.
عه‌ميد (عیماد رێكانى)، به‌رپرسێ به‌ره‌ڤانیا باژێرى ل سۆران بۆ ئه‌ڤرۆ نیوز گۆت: (ب مه‌ره‌ما ده‌ستڤه‌ئینانا گژ و گیای، پترى شه‌ش كه‌سان قه‌ستا چیایێ دینو ل سنوورێ قه‌زا چومان كر كو پارچه‌كه ژ چیایێ هه‌لگورد، به‌لێ ژ ئه‌گه‌رێ نه‌شاره‌زایێ ئێك ژ وان وه‌لاتیان ل وى رووبارێ نێزیك چیایێ هه‌لگورد خه‌ندقى).
زێده‌تر گۆت: (ناڤێ وى ئه‌نوه‌ر فه‌قێ موسته‌فایه و دایكبوویێ سالا 1969 یه و خودان 10 زارۆيانه و خه‌لكێ سلێمانیێ یه، ته‌رمێ وى ژلایێ به‌ره‌ڤانیا باژێرى ل سۆران هاتیه رزگاركرن، پاشى ره‌وانه‌ی نه‌خوه‌شخانا چومان كریه).
